“Ami-nia preokupasaun mak ne'e, parte Governu ou Estadu  tenke halo investimentu ba rekursu umanu, nune'e eleva kapasidade, atu médiku bele iha kompeténsia iha área espesífiku, nune'e bele rezolve sosiedade nia problema, liliu iha parte moras ne'ebé mak relata númeru étransferensia, se ita aumentu nível rekursu umanu ba kapasitasaun, entaun ita ensigidamente ita bele reduz ona númeru transferénsia ba rai liur”, dehan Portavoz médiku espesialista Biokimia Klínika, Manuel Francisco da Costa, hafoin hasoru malu ho PR Lú Olo iha Palasíu Prezidensiál Baitupite, segunda (14/02).

Tanba iha parte klínika bele maibé iha parte ireode mak seidauk bele, iha espesialista ne'ebé gradua ka ezekuta nia servisu atualmente iha Ospitál Nasionál Guidu Valadares sai hanesan kardiologika klínika, nia atendementu klíniku maibé intervensaun ba kazu tiroide iha korasaun presiza orsidojia kardiaka, presiza iha kontinuasaun atu nune'e koloka iha espesializasaun ida, tanba ne'e kompeténsia iha kardiolojika ne'e la'ós kompeténsia area klínika nian.

“Tanba númeru transferénsia kada tinan ita haree aumenta beibeik ba rai liur, ida ne'e presiza parte kompetente hadi’a servisu óspital laran, iha asisténsia hothotu, no Timor iha ona médiku aprosima maibé oinsá mak ponténsia no esplora sira-nia kapasidade ida ne'e mak seidauk tau inportante”, informa nia.

Moras ne'ebé númeru kada tinan halo tranferénsia taun oinsá polítika Estadu atu reduz númeru ne'e.

“Depende ba kondisaun ne'ebé disponivel iha óspital laran tanba ne'e kritéria husi médiku, se kritéria médiku hatudu katak pasiénte ne'e presiza konsulta iha óspital ne'ebé espesialiadu tenke haruka ba barak ba ih Indonézia no Sigapura”, esplika nia.

Aliende ne'e, iha asuntu importante ne'ebé médiku espesialita projeta no hanoin ba Prezidente Repúblika mak oinsá atu garante sustentabilidade ba formasaun médiku iha Timor-Leste no ida seluk mak oinsá garante sustentabilidade ba servisu ekselensia iha óspital Nasionál no iha óspital hothotu.

“Iha pontu importante ami diskute ho sua eselénsia mak oinsá atu garante kontinualidade formasaun médiku ne'ebé iha área diferensia espesializasaun, tanba ida ne'e forma parte ba sustetanbildade sistema dezenvolvimentu saúde iha Timor-Leste”, haktuir nia.

Tanba nu'udar sidadaun, professionál ida aprezenta prekupasaun kona-ba situasaun globál hanesan kazu surtu dengue no Covid-19 ne'ebé implika no impaktu boot ba vida sosiedade nian.

“Rekomenda ba nível Governu, nível Estadu oinsá mak kria mekanizmu ida atu fó garante asisténsia médiku ne'ebé di'ak ba ita-nia sosiedade, ida ne'e mak pontualizasaun importante ba ohin ami halo diskusaun ho sua ekselénsia Prezidente Repúblika”, hatete nia.

Prezidente Repúblika iha hanoin ne'ebé mak ekivalensia buat ne'ebé médiku espesialista sira aprezenta ona, Xefe Estadu kontente no apresia ba aprezentasaun ne'ebé halo no sei komunika ho parte Governu nian oinsá mak haree ba asuntu ne'ebé diskute ona. (*)