Flaviano Miguel da Silva hanesan família hatete, vítima rasik sona nia aan ho tudik ne’ebé rejulta hetan kanek iha parte kakorok ho kondisaun grave, tanba ne'e, evakua kedas ba Ospitál Rejionál Eduardo Ximenes (HoREX-sigla portugues) Baukau hodi halo tratamentu.

Médiku sira haree vítima nia kanek ho kondisaun grave, nune'e deside ba liu sala operasaun nian, hodi bele salva nia vida.

"Ohin dadersan akontesementu, nia rasik lori tudik ko'a nia aan, tanba durante nia moras isin doko mai Ospitál simu ai-moruk ba hemu, ohin dadersan hader mai alin ida tama ba hotu nia lori tudik haree ba nia na'in rasik ko'a nia kakorok," dehan Oan vítima, Flaviano Miguel da Silva iha HoREX Baukau, kinta (10/02).

Familia haktuir, vítima hetan moras parkinson hahú husi tempu okupasaun Indonezia, nune'e bain-bain halo tratamentu iha Ospitál, maibé derepente hasoru situasaun ne'e.

"Esperansa ha'u nian depende ba maromak, liuhusi opera ne'e bele salva nia vida," nia akresenta

Nune'e, médiku Jacinto Vaz haktuir, família evakua mai iha dadersan tuku 08:00 to'o iha HoREX ho kondisaun atentus susidiu, tanba kanek grave iha parte kakorok.

"Rejulta mak nia halo transeksaun, parsialmente halo transeksaun ba trakia, kuaze 50 pursentu," nia informa

Tanba ne'e, médiku sira halo kedas atendementu urujente, tanba kanek trakia nakles, maibé dadaun  transfere ona husi sala operasaun ba iha sala sirurjia hodi kontinua baixa.

Vítima to'o iha HoREX Baukau ho kondisaun iis boot, rán fakar barak, maibé depois halo tiha operasaun pasiente kondisaun hahú estavel.

"Nia nafatin ho okjigen hela, konta pontu 10, ita koko hadi'a husi laran mai liur, husi trakia mai muskulu, depois ita mai iha kulit," nia afirma. (*)