"Timor agora previlejiu ha'u agora ba vizita Austrália ba simu prémiu ida kombate Covid-19 nian, Timor iha previlejiu ba simu ida ne'e rekoñese ita-nia kbi’it kapasidade salva no tau matan ba ita-nia sidadaun sira, mezmu balun insulta ita mate didi’ak”, dehan Taur Matan Ruak iha Salaun Ministériu Finansas, Aitarak Laran, segunda (07/02).

Tanba durante ne'e iha Timor-Leste kazu ladún aas kompara ho nasaun seluk mezmu ke sidadaun barak mak afeita maibé la gravé kompara ho nasaun seluk sira.

Maske Covid-19 estraga buat barak iha nasaun Timor-Leste pratikamente aplikasaun Estadu Emerjénsia ba dala sanulu-resin-sia lakon sidadaun kuaze atusida-ruanulu-resin-rua ne'ebé rejistu kuaze 20.000 mak afeitadu.

"Grasas de Deus ita konsege vasina ne'ebé apoiu husi ita-nia parseiru dezenvolvimentu sira to'o agora ita seidauk vasina, vasina primeira doze ita atinje 70 pursentu, segunda doze ita la konsege maibé besik tiha de'it mais agora ita hakat ona, enkuantu primeira doze ita ultrapasa mais ita mós avansa terseira doze”, deklara nia.

Ba sidadaun sira vasina atubele hakbi’it moras Covid-19, tanba durante ne'e halo ekonomia mate hakarak hili uluk salva sidadaun sira-nia vida.

"Tanba pratikamente estrada sira mamuk, serka sanitária iha fatin fatin taka, ekonomia afeitadu ba ita”, afirma nia.

Dadaun ne'e Parlamentu Nasionál (PN) konsege muda lei baze husi Ministériu Saúde (MS), hodi fó kbi’it ba Saúde atu kombate moras Covid-19 ne'ebé dadaun ne'e sa'e tan atu la presiza tan aplikasaun Estadu Emerjénsia iha Timor-Leste.

Maibé kontinua husu ba sidadaun sira ne'ebé mak seidauk vasina kontinua vasina ba sira ne'ebé mak simu ona segunda doze sira atu kontinua simu terseira doze ne'ebé dadaun aplika hela.

Tanba moras Covid-19 ne'e seidauk hotu iha mundu Timor-Leste, no dadaun ne'e Vírus foun ho naran Omicron tama tan mai iha Timor-Leste.

Dadaun ne'e Timor-Leste livre ona no desmantela ona situasaun sira tanba ne'e Governu sei la aplika tan Estadu Emerjénsia ka Serka Sanitária iha fatifatin maibé fó livre ba sidadaun sira atu buka moris maibé husu sidadaun sira kontinua vasina.

"Ema hothotu ba vasina, se mak lakohi vasina hakarak ba uluk (mate) bele ba (mate ba) ha'u la haruka mais silakan, tanba agora ita la sakrifika ita-nia ekonomia agora, tanba durante ne'e seidauk iha ema ida mak todan tanba vaisna iha efeitu”, hatete nia.

Kuandu sidadaun hotu simu vasina sei normaliza hikas hodi nune'e sidadaun sira moris hakmatek hodi buka moris sira. (*)