Xefe Kontrolu Kualidade no komunikasaun sosial HoREX, Claudino Ximenes hatete, iha semana rua ikus fulan-janeiru tinan 2022 ne'e, pasiente ne'ebé HoREX rejistu númeru aas mak labarik sira ho idade husi tinan-01 to'o tinan-10 maioria ho moras dengue inklui dearea, tanba paseinte labarik hamutuk na'in-84.

"Ida ne'e kompostu husi sala pediatria nian hamutuk 51 pesoas, ami impresta sala siruzaun hodi akumula hotu pasiente na'in-15 agora tau iha sala siruzia, inklui mós iha emerjénsia kondisaun fatin mai labele ona, entaun sira observa iha ne'eba sira na'in-16 mak tama iha ne'eba, ne'e seida'uk inklui sira ne'ebé ohin dadersan tama iha ne'eba, kama sira ne'ebé ami tau iha ne'eba mós la admite para pasiente sira atu tau," dehan Claudino, sesta (28/01).

Maske nune'e, maibé hanesan pesoál saúde nafatin esforsu tau kama sira ne'ebé husi Ospitál tuan hodi fasilita ba pasiente sira.

"Loron hirak ne'e, ami lalin mai, roda laiha ami hasai tiha roda tau lansung kama de'it, balun ne'ebé kama nia ain tohar, ami solda fali, ami uza dadauk iha loron sira ne'e," nia haktuir

Iha semana ne'e mós, rejistu labarik tinan-5 ho moras kazu komplikadu nemonia, nune'e la konsege salva nia vida.

Kazu dengue ne'e, baixa iha sala pediatria no iha sala medisina interna hamutuk na'in-49, husi tinan-01 to'o 60, maibé iha labarik na'in-3 mak kondisaun grave.

"Sira ne'e ho kondisaun grave, kondisaun leve, maibé ita nia médiku sira esforsu sira na'in-2 mak halo ona transformasaun rán, ami halo observa nia kondisaun komesa di'ak uituan ona, espera sira bele rekupera," nia hatete

Enkuatu kazu nemonia mós dadaun rejistu hamuruk ema na’in 49 ona, inklui dearea-20

Tanba ne'e, espasu ba pasiente iha HoREX Baukau la sufisiente ona atu aumemta tan, tanba kama 75 de'it, maibé paseinte labarik ne'ebé rejistu liu ona kama estabelese iha HoREX.

"Ba labarik de'it, okupa tiha ona 84 kama, ita seidauk sura kazu husi maternidade, husi siruzia, husi medisina interna seidauk tama iha ne'eba," nia afirma

Tanba ne'e, iha ona faze preparasaun atu ko'alia ho asuntu refere ho Diretór Servisu Saúde Munisípal atu utiliza sala izolamentu eis SPK Tirilolo ne'ebé antes ne'e, uza ba paseinte covid-19. (*)