Login to your account

Username *
Password *
Remember Me

AUFD Kapasita Komunidade Ostiku Sai Parseiru ba Organizasaun Kombate Violénsia

Komunidade Suku Ostiku partisipa hela workshop ne’ebé husi AUFD, sesta (28/01). Komunidade Suku Ostiku partisipa hela workshop ne’ebé husi AUFD, sesta (28/01). Foto Tomas Freitas

Tempotimor (Baukau)-Asosiasaun Unidade Feto ba Dezenvolvimentu (AUFD) Baukau kapasita komunidade Suku Ostiku, Postu Administrativu Vemasse, Munípiu Baukau atu sai ema dahuluk ba parseiru organizasaun sira hanesan Pradet, Uma Mahon inklui VPU.

Kapasitasaun ne'e, liuhusi workshop durante loron 2, ne’ebé partisipa hamutuk ema na'in-35 ba prevensaun violénsia hasoru feto no labarik feto no hili ona ema na'in-20 sai estrutura iha Suku hodi sai ema dahuluk ba parseiru sira bainhira iha kazu violénsia.

Diretóra AUFD, Bendita de Jesus Amaral hatete, kapasitasaun ba komunidade sira atu identifika violénsia oi-oin ne'ebé inan feto sira hahú husi tempu okupasaun to'o mai faze ukun aan kontinua hasoru.

"Iha sira nia komitmentu ida ne'e, bainhira sira hasoru situasaun violénsia sira bele ona komprende oinsa refere kazu sira ne'e, oinsá mós akompaña vítima sira ba prosesu se kondisaun ne'ebé tauk iha presaun makas ba sira trauma, molok parseiru sira to'o hirak ne'e mak sei sai ema dahuluk ba Pradet sira, Uma mahon, VPU," dehan Bendita, iha Sede Suku Ostiku, sesta (28/01).

Violénsia ne'ebé identifika iha Suku Ostiku liuhusi worksohp ne'e, violénsia domestika, violénsia kultural, violénsia psikolojia no violénsia ekonómia.

Hafoin remata worksohp, komunidade sira ne'ebé partisipa hakarak kria planu inovativu iha Suku Ostiku hodi kontribui prevene violénsia hasoru feto no labarik feto.

Tanba ne’e, komunidade Ostiku husu loke formasaun kona-ba prevene violénsia, inklui harii uma dahuluk (uma mahon).

"Tinan oin mai sira sei enkaixa prioridade ba Autoridade lokal atu enkaixa iha projetu PDNS hodi harii uma mahon ba vítima violensia ne'ebé mosu iha Ostiku," nia hatete

Nune’e, partisipante, Juliano Soares de Souza agradese ba AUFD, tanba durante loron 3 bele kapasita ona atu koiñese prenvensaun violénsia.

"Bele fó o ona kuiñesementu kona-ba violensia, tanba ne'e husu nafatin parseiru sira atu kontinua realiza worksohp refere ho tema hanesan atu bele reduz violensia iha ami nia suku, tanba komunidade barak mak seidauk hatene oinsá prevene violénsia," nia haktuir

Enkuantu, workshop ho tema promove partisipasaun komunidade hodi prevene violénsia bazeia ba jeneru no violénsia oin-oin hasoru feto no labarik feto ne'e mak, AUFD realiza iha Suku Ostiku, tanba hetan apoiu husi UN Woman, liuhusi Spotlight Initiative, ne’ebé inisia husi  Asia Justice And Rights (AJAR), Asosiasaun Chega ba Ita (Acbit), Forum ONG Timor-Leste (FONGTIL). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter