“Kestaun ne’ebé mak levanta barak kona-ba denge e horisehik prezidente PN rasik hatete katak presiza Governu mai iha ne’e e ami informa tiha ona ba ministra saúde e nia prontu atu mai iha segunda-feira iha parlamentu ne’e, atu presta informasaun no halo diskusaun aprezentasaun kona-ba saida mak durante ne’e halo atu hasoru prevensaun ba denge, e saida mak atu halo ba aban bainrua iha parlamentu nasionál”, dehan nia iha plenáriu PN, tersa (25/01).

Ba kestaun denge nian, parte Ministra Saúde prontu ona atu mai Parlmentu Nasionál iha semana oin, maibé ne’e depende ba meza Parlamentu Nasionál, atu foti desizaun.

“Se semana ida ne’e nia laran ohin ha’u ko’alia ona ho prezidente parlamentu katak komisaun balun iha deslokasaun ba munisípiu tanba ne’e mak tempu ne’e ida-idak ho nia tempu, hanoin katak segunda-feira ministra sei mai halo deskusaun ho membru  parlamentu sira iha fatin ida ne’e”, hatete nia. (*)