Login to your account

Username *
Password *
Remember Me

Governu Seidauk ‘Obriga’ Família Matebian Oferese Mina ba Karreta Funerál

Ilustrasaun karreta Funerál ne’ebé Governu prepara atu tula mate isin ba rezidénsia matebian. Ilustrasaun karreta Funerál ne’ebé Governu prepara atu tula mate isin ba rezidénsia matebian. Foto Espesial

Tempotimor (Dili)-Ministru Asuntu Parlamentár no Komunikasun Sosiál (MAPKomS), Francisco Martins Jerónimo hatete, Governu liuhusi Ministériu Solidariedade Sosiál no Inkluzaun (MSSI) seidauk obriga família matebian sira atu ense mina ba karreta funerál, tanba iha mina atu lori mate-isin ba matebian nia rezidénsia.

“Relasiona ho kestaun balun ne’ebé mak horisehik foti iha ne’e kona-ba karreta funerál, sim atu informa ba deputadu sira katak, karreta funerál ne’e ninia mina ne’e iha rasik, laiha ida dehan katak karreta sira ne’e atu komunidade mak sosa fali mina tau ba ne’e la’e”, dehan nia iha plenáriu PN, tersa (25/1).

Tanba kada karreta funerál ne’ebé Governu oferese ne’e, ninia konbustivél (mina) iha ona, maibé iha kazu balun ne’ebé mak akontese tanba karreta ne’e labele la’o kalan, dala ruma balun hakarak urjente lalais entaun presiza tau mina ba karreta, ida ne’e mak diskusaun entre família vítima ka matebian ho parte kondutór sira.

“Tanba ne’e mak iha kazu balun akontese katak tanba konkorda malu entaun sira ba ense mina para lori tula matebian ba fatin refere tanba hakarak lalais”, hatete nia.

Ba kazu ne’e, parte Hovernu hanoin katak, ministériu solidaridade sosiál no inkluzaun posibilidade sei hola asaun no desizaun foun katak, sei la lori mate isin iha tempu kalan.

Bainhira lori mate isin iha tempu kalan, ida ne’e ikus mai sai fali problema katak Governu husu fali komunidade atu tau mina ba karreta. (*)

Rate this item
(1 Vote)
Last modified on Wednesday, 26 January 2022 09:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter