“Vasina la oho ema ida maibé atu hametin ita-nia imunidade, hanesan ha'u hatene karik hametin lutu ba ita-nia an rasik para moras ne'e labele ataka ita-nia isin no ita-nia an”, dehan Ministru José iha Suku Madohi, Aldeia BTN 2, kinta (07/10).

Tanba sidadaun ne’ebé simu ona vasina aumenta imunizasaun atu trava hodi nune'e Covid-19 labele tama ba isin no importante ba sidadaun hothotu atu partisipa.

“Atu proteje moras ne'e husi ita-nia isin loloos atu labele da'et mak dalan ida de'it mak simu vasina ne'e laiha dalan seluk”, esplika nia.

Dadaun ne'e sientista barak tenta atu deskobre buka ai-moruk ba vírus Covid-19 maibé sei iha prosesu nia laran.

Maibé ba sidadaun sira hotu tenke simu vasina atu aumenta imunidade hodi labele afeita Covid-19 ne'ebé mundu tomak enfrenta. (*)