"Kama sira ne'ebé mak ita tau iha Vera Cruz no iha Lahane pasiénte nakonu, e ema iha ne'ebá iha ventilatór no oxijeniu iha ne'ebá ita estabelese, sé ba Covid-19 ba moras ne'ebé mak moderadu no gravé maibé kama sira ne'e la to'o ema kontinua moras, maibé ami nafatin kontinua buka fatin ne'ebé disponivel atu prepara estabelese bainhira ita-nia pasiénte iha haruka sira hela de'it", dehan Ministra Odete iha Ministériu Finansas, Aitarak Laran, sábadu (04/09).
Dadaun ne'ebé Ministériu Saúde mós estabelese tan ona salaun ida iha Ospitál Nasionál Guidu Valadares (HNGV) hodi prepara ona ba sidadaun ne'ebé mak afeita Covid-19.
"Ami tenke loke fatin ida iha Guidu Valadares ne'ebé mak atu halo tratamentu ba ema ne'ebé mak la'ós Covid-19 maibé ami agora uza salaun ida iha ne'eba atu akomoda ita-nia pasiénte Covid-19 nian", informa nia.
Tanba situasaun preokupante liu iha Munisípiu Díli, iha ne'ebé kazu detetadu barak ho variante Delta nune'e iha Timor-Leste rejista kazu totál infesaun Covid-19 hamutuk 5.784 no kazu Óbitu iha Timor-Leste hamutuk 74. (*)