Governu 'Sulan' Sidadaun Vasina Dalarua Tuir Rekomendasaun OMS

Ministru Prezidénsia Konsellu Ministru, Fidelis Leite Magalhães. Ministru Prezidénsia Konsellu Ministru, Fidelis Leite Magalhães. Foto Tempo Timor

Tempotimor (Díli)-Governu liuhusi Konsellu Ministru (KM) deside hodi sulan nafatin sidadaun sira ne'ebé simu ona vasina dalarua atu labele movimentu iha implementasaun Konfinamentu Obrigatóriu, tanba simu rekomendasaun no aprezentasaun husi Organizasaun Mundiál Saúde (OMS) no Sentru integradu Jestaun ba Krize (SIJK).

Tanba ne'e Governu Timor-Leste no Organizasaun Mundiál Saúde halo Konferensia Imprensa konjuntu hodi esplika ba públiku relasiona ho sidadaun ne'ebé mak vasina ona dalarua la sujeita ba regra konfinamentu Obrigatóriu ka sidadaun vasina dalarua tenke tuir teste swab no hatudu test komprivativu.

"Iha loron 25 fulan-Agostu iha reuniaun Konsellu Ministru hafoin rona aprezentasaun husi reprezentante Organizasaun Mundiál Saúde no Sentru Integradu Jestaun Krize-Sala Situasaun Governu halo desizaun nia halo ne'ebé mak passu ida sees tiha husi desizaun anterior ba ema ne'ebé mak vasina dalarua atu la sujeita ba regra konfinamentu sira, ho objetivu sira ne'e mak atu salva ita-nia sidadaun nia vida", esplika Ministru Prezidénsia Konsellu Ministru (MPKM), Fidelis Leite Magalhães, iha salaun Ministériu Finansas, sábadu (04/09).

Desizaun ne'e, Primeiru Ministru (PM),Taur Matan Ruak, informadu no konkorda ba prosesu deliberasaun hotu ba regra foun ne'ebé sei aplika mudansa desizaun radikál iha prinsípiu ida ne'ebé mak propoin konfinamentu Obrigatóriu ba sidadaun hothotu atu independente atu vasina dalarua labele movimentu livre.

Nune'e Ministra Saúde (MS), Odete Maria Freitas Belo, husu sidadaun hothotu atu kumpri regra sira tanba variante Delta ne'ebé eziste maka'as liu vírus Covid-19.

"Iha mundansa estratéjia sira ne'ebé mak iha protokolu sira ne'ebé mak impoin, no inisiu ita ko'alia kona-ba Covid-19 ne'e nia da'et seidauk mosu barak depois mosu variante ida naran Delta ka variante Delta ne'e ita hotu tenke rona atensaun katak ita la enfrenta ona Covid-19 maibé ita mós hasoru vírus ne'ebé kontinua halo mudansa, katak moras ida ne'e foun vasina ida ne'ebé atu hetan ida mós tenke foun hothotu foun ba ita", esplika Ministra Odete.

Reprezentante Organizasaun Mundiál Saúde (OMS), Arvind Mathur, husu ba sidadaun hotu atu kontinua halo salva guarda ba saúde públiku hodi proteje ema vulneravel no Difisiénsia sira.

"Hodi hakotu transmisaun vírus ida ne'e iomunidade nia leet atu salvador guarda saúde públiku no hodi proteje ema vulneravel sira, populasaun husi Munisípiu Dili inklui ema ne'ebé vasina ona tenke kumpri Konfimantu Obrigatóriu no adopta medida sira atu prevene Covid-19", dehan nia.


Nunele husu ba sidadaun hotu atu kumpri nafatin regra hodi uza máskara, fase liman bebeik no labele halibur ema liu na'in-10 ba leten. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter