Tanba ne'e SSMD klarifika katak, deklarasaun husi Reprezentante Porta Voz Komisaun Interministerial ba Implementasaun Vasina Covid-19 iha Timor Leste, Maria Santina de Jesus, ne’ebé dehan Ministériu Saúde (MS) suspende Vasina, maibé Servisu Saúde Munisípiu Díli nafatin kontinua hala'o atividade rutina vasinasun hodi hasa'e kobertura vasinasun nian.
“Atu hatete de'it ba maluk mídia sira nomós ba populasaun Dili laran katak Saúde Munisípiu Dili hamutuk ho nia ekipa task Force sira hotu liliu ba atividade vasinasaun ita nafatin kontinua hala'o atividade ida ne'e desde inisiu dia 7 de Abríl até ohin iha tan Komfinamentu Jerál saúde Munisípiu Dili ninia ekipa tomak nafatin atende rutina iha fasilidades nomós hasa'e kobertura ba Vasina nian”, hatete Diretora Agostinha iha Sentru saúde Formoza, sesta (27/08).
Tanba atividade vasina no kompaña vasinasaun Covid-19 ba Komunidade iha Munisípiu Díli nian, laiha suspensaun, maske iha situasaun konfinamentu domisiliáriu nia laran.
"Sementara ita suspende no labele hala'o lai vasina no kampaña Vasinasaun tanba ita Kumpri Regra ne'ebé mak estabelese ona iha komfinamentu ne'e, e inklui saúde sira mós barak mak pozitiva, ho nune'e atividade vasina ne'e sei suspende to’o semana ida”, dehan nia.
Ba suspensaun Kampaña Vasinasaun no atividade Vasina Covid-19 sei hahú iha loron 27 fulan-Agustu to’o iha loron 2 fulan-setembru tinan 2021.
Maibé postu saúde destakadu hamutuk 39 iha Dili laran dadaun ne’e kontinua nafatin hala'o servisu hodi hasa'e kobertura vasinasaun nian. (*)
