“Variante Delta ne’ebé ho tranzmisaun lais no óbitu sa’e ba 50 inklui iha semana ikus, tanba ne’e ami rekomenda implementa konfinamentu obrigatóriu no serka sanitária, mais efetivu atubele hapara transmisaun no óbitu”, dehan Nilton iha debate estensaun Estadu Emerjénsia (EE) iha plenária PN, tersa (24/8).

Tanba, iha loron 23 fulan-agostu, durante oras 24 nia laran, númeru detetadu foun hamutuk 187, rekuperadu 67, óbitu ida, ho kazu ativu 3.383, rekuperadu komulativu 10.971.

Nune’e mós iha loron 24 fulan-agustu, iha kazu detetadu foun hamutuk 532, rekoperadu 97, óbitu na’in-2, kazu ativu 3.816, no kazu komulativu sura husi 21 marsu tinan 2022 mai to’o ohin loron hamutuk 14.935. Tanba ne’e, óbitu rejistadu 51, hosi Dili no munisípiu-lima.

Tanba ne'e, desde to'o agora kazu óbitu hamutuk 51 ona, siknifika la’ós ona iha Sentru Izolamentu Vera Cruz no Lahane, nomós Emera no Rejiaun Administrativa Espesiál Oekussi Ambeno (RAEOA).

Ho númeru óbitu ne’ebe rejista iha semana ne’e hamutuk 20-resin ho maioria infetadu seidauk hetan vasina. (*)