Login to your account

Username *
Password *
Remember Me

Evita Transmisaun Covid-19, Médiku HNGV Tenke Halo Teste Swab ba Pasiénte

Amostra teste swab. Amostra teste swab. Foto Tempo Timor

Tempotimor (Dili)-Diretór Ezekutiva Ospital Nasionál Guindo Valadares (HNGV), Alito Soares hatete, médiku sira tenke halo teste swab ba pasiénte sira ne'ebé tama iha ospitál hafoin bele baixa, tanba ne'e atu evita transmisaun surtu Covid-19 ba pasiénte sira seluk inklui mós médiku sira.

Tanba ne'e, sistema atendimentu ne'ebé médiku sira uza, bainhira rezultadu teste hatudu negativu, bele baixa iha HNGV, maibé sé pozitivu, ekipa sira sei transporta kedas ba fatin izolamentu iha Ospitál Lahane ho Vera Cruz.

"Ospitál Guido Valadáres, hanesan mós fasilidade saúde iha, territóriu Timor-Leste tomak, implementa guia kona-ba atendimentu ba pasiénte sira, durante pandemia covid-19. Katak pasiénte hothotu akompañamentu ne'ebé mai halo atemdimentu ba fasilidade saúde, liliu iha HNGV, presiza halo srceening, atu evita transmisaun mais maka'as ba ita komunidade, liliu ba ami-nia staff, pasiénte sira ne'ebé baixa iha Ospitál", esplika Alito Soares, iha kna'ar fatin Bidaun, tersa (24/08).

Ho razaun ne'e, HNGV ne'ebé halo parte ba atendimentu refere, implementa guia ne'ebé oferese husi parseiru Organizasaun Mundiál Saúde (OMS) atubele responde ba halo evita transmisaun Covid-19 labele aumenta.

"Entaun, pasiénte hothotu ne'ebé mai iha HNGV, kuandu nia tama mai iha triajen, ita-boot sira haree, tende iha emerjénsia oin, hothotu tenke ser halo screening, istória, no dala-ruma presiza swab mós. Kuandu rezultadu mai mak dehan negativu, ita baixa iha Ospitál. Kuandu rezultadu mai mak dehan pozitivu, ita-nia Governu, Estadu, indika ona fatin atu ba tau iha Lahane, Vera Cruz nomós Tasitolu", afirma nia.

Tanba iha kazu hirak ne'ebé nia kondisaun tama ba estádium gráve, krítiku no moderadu, médiku sira iha HNGV, tenke dedika duni ba fatin izolamentu Vera Cruz, no Lahane. (*)

Rate this item
(1 Vote)
Last modified on Tuesday, 24 August 2021 17:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter