"Variante ita seidauk hatene, tanba foin na'in-12. Seidauk iha transmisaun, maibé ita haree took dezenvolvimentu kazu ne'e rasik iha loron hira mai ne'e, bazeia ba contactresing ne'ebé mak ita halo ba nia família sira”, hatete António de Deus Fátima, iha Salaun São José, Katedrál, Vilaverde, kinta (12/08).
Maske nune'e, liuhusi atividade contactresing ne'ebé ekipa saúde sira hala'o iha Ermera, konsege transporta hotu família sira husi suspeitu na'in-12 nian hodi hatama ba izolamentu.
"Pasiente na'in-12 ne'ebé mak hetan hela Variante Delta, agora dadaun ne'e ami halo ona contactresing ba nia família sira, durante loron rua ami contactresing, nia família sira ne'e kuaze ami evakua hotu ona mai iha izolamentu. Família husi pasiénte na'in-12 ne'e, totál ema pur volta de 17 ne'e, ami evakua hotu ona mai iha ne'e”, l informa nia.
Enkuantu, kazu kona-ba Covid-19 iha Munisípiu Ermeran, halo ona transmisaun iha komunidade tanba, númeru kazu sa'e ona ba atusualu-haatnolu-resin-neen (846) mak afetadu.
"Klaramente, katak ho kazu ne'ebé mak aas 846, ne'e siknifika katak, transmisaun komunitária ne'e iha ona”, haktenik nia.
Durante tinan tolu tuir malu husi tinan 2019 to'o 2021 ne'e, númeru kazu moras ne'ebé aas iha mak ispa ho kulit.
"Iha Ermera, privizóriamente iha tinan tolu tutuir malu ne'e, kazu ne'ebé aas iha ne'ebá ne'e, ispa ho kulit. Ida ne'e maka iha ne'ebá”, dehan nia. (*)
