"Kazu detetatu ne’ebé relata iha loron 25 fulan-Jullu tinan  2021 foun 11 (iha Dili 9, munisípiu seluk hamutuk 2), mane 7, feto 4 no kazu rekuperadu 41”, dehan nia liuhusi komunikadu imprensa, domingu (25/07).

Husi totál kazu detetadu foun ho idade tinan 12-59 na'in-10 (90,9%) ho idade 60 na'in-1, 0,0% mak sintomátiku (hatudu sintomas), totál kazu ativu hamutuk 695, konfirmadu kumulativu iha 25 fulan-Jullu tinan 2021 (sura husi 21 Marsu 2020) hamutuk 10.348.

Hahú  husi loron 24 to’o 25 fulan-Jullu, hamutuk hotu Laboratóriu Nasionál Saúde (LNS) halo 285 testes PCR iha Dili, ho detalla hanesan, Vijilánsia sentinela 7, Rastreiu ba kontaktu (Contact tracing) 1, Rastreiu Aleatóriu (Random Screening) 20, Viajen sai husi serka sanitária munisípiu Dili 223, Viajen internasionál 5 no follow up iha kuarentena 29.

Rezulta testes  PCR ne’ebé halo iha loron 24 fulan-,Jullu iha munisípiu sira seluk, REAOA ho HNGV, hamutuk 149, ho detalla hanesa Baukau 79, Ermera 8, Maliana 8, Maubisse 16, RAEOA 0, Suai 1, Vikeké 7 no HNGV 30.

Ba rezultadu sekuénsiasaun jenómika husi amostra 300 ne’ebé Laboratoriu Nasional Saúde (LNS) haruka iha loron 14 fulan-Jullu tinan 2021 ba Peter’s Doherti Institute iha Melbourne, Austrália, ho pedidu atu halo tes urjente ba amostra balun, hadutu katak, amostra husi ema na'in-4 iha lineajen B.1.617.2 (Delta), variante ne’ebé  preokupante, ka ‘’variant of concern’’. LNS sei hein rezultadu sekuénsiasaun jenómika husi amostra 296 seluk. (*)