"Ohin agradese ba ita-nia Maun boot Xanana mós hakbesik-an Ona mai klínika Fatumeta dader de'it hodi simu vasina”, dehan Odete iha klínika Fatumeta, kinta (24/06).
Xanana simu vasina hanesan ezemplu di'ak ida ba populasaun ne'ebé mak seidauk simu vacina bele hakbesik-an mai ba postu vasina atubele simu vasina.
"Avo Nana mai ho nia hakarak rasik maske liuba ita mós buka hakbesik ba avo Nana atubele mai Vasina, maibé ohin (24/06) mak nia sente tempu ne'ebé oportonu ba nia no nia sente di'ak hakarak atu simu vasina ida ne'e, husi ami mós agradese hanesan líder iha nasaun ida ne'e mós partisipa iha vasina”, afirma nia.
Atetude Xanana nian hanesan sinal di'ak ba sidadaun hotu atubele partisipa iha vasinasaun, tanba líder hothotu simu ona vasina.
"Ida ne'e hatudu mós motivasaun ba ita-nia populasaun sira atu hakbesik-an mai vasina tanba moras ida ne'e responsabilidade ema ida-idak nian”, dehan nia.
Xanana simu ne’ebé simu ona vasina Sinovac ba doze dahuluk no sei simu tan doze daruak nian iha loron 22 fulan-Jullu hodi kompleta semana haat.
Ba totál númeru iha territóriu tomak rihun-197 liu ona mak simu vasina iha Dili ho Munisípiu sira iha doze dahuluk rihun -167, no ba doze daruak tenke vasina ema purvolta 28.412 atubele alkansa rihun-22-resin. (*)