Governu Husu Povu Labele Dúvida ho Vasina AstraZeneca no Sinovac

Aimoruk Vasina kontra Covid-19. Aimoruk Vasina kontra Covid-19. Foto Suplay

Tempotimor (Ermera)-Governu liuhusi Sekretáriu Estadu Kooperativa (SEKoop), Elizário Ferreira, husu ba populasaun iha Suku Ailelo, Postu Administrativu Hatulia, Munisípiu Ermera, labele dúvida ho aimoruk vasina Astrazeneca no Sinovac tanba iha kualidade ne'ebé di'ak no hanesan.

"Sira ne'ebé dúvida, tenke esklarese, ne'e mak ita hasoru malu, tanba atu esklarese ne'e mak ita hasoru malu, iha ita-nia nasaun ne'e aplika aimoruk rua mak hanesan AstraZeneca no Sinovac imi labele dúvida kona-ba aimoruk ne'e, sira ne'e hanesan de'it soke naran mak la hanesan tanba mai husi nasaun ne'ebé la hanesan”, dehan Elizário Ferreira iha Suku Ailelo, sesta (15/10)

Vasina ida naran Sinovac ne'e mai husi Xina, no Astrazeneca ne'e mai husi Austrália no sira mós saúde mundiál sira atribui sertifikadu internasionál saúde nian katak sira bele fahe aimoruk ba sidadaun afeitadu Covid-19 iha mundu.

Maibé husu ba komunidade sira iha Ailelo, labele preokupa kona-ba aimoruk ne'ebé mak Governu prepara ona.

"Kona-ba aimoruk ne'e imi lalika preokupa, ita ne'e simu vasina ikus liu iha mundu, iha Ázia ita mak ikus liu, se ita tauk dehan vasina ne'e mate karik, ema sira simu uluk ne'e mate mós tiha ona, se ema mate moos ita mós lakohi simu ona, no ami sira simu ulun ne'e ami hein atu mate de'it ona”, afirma ina.

Tanba laiha nasaun ida mak iha hanoin atu oho nia povu, Governu iha hanoin mak atu salva nia sidadaun sira husi Surtu Covid-19 ne'ebé afeita iha mundu ne'e.

"Animal ne'ebé si'ak liu iha mundu mak tigre no lions, kualker animal ne'ebé mak hasoru sira ne'e tata no hán maibé nia nunka hán nia oan sira, hanesan mós nasaun ida nunka iha hanoin atu oho nia povu sira”, haktenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter