Login to your account

Username *
Password *
Remember Me

Timoroan Na'in-1 Mate Tan ho Covid-19 Iha Vera Cruz

Tempotimor (Dili)-Koordenadór Forsa-Tarefa ba Prevensan no Mitigasaun Surtu Covid-19 iha Timor-Leste, Rui Maria de Araújo informa, iha loron segunda (14/06) timoroan na'in-1 mate tan ho Covid-19 iha sala izolamentu Vera Cruz.

 “Totál óbitu ne’ebé relata iha loron 14 fulan-juñu 2021 na'in-1 (ida) feto,  idade tinan 62, timoroan hela iha Maliana”, dehan Rui liuhusi komunikadu imprensa, segunda (14/06).

Iha loron 13 fulan-juñu haruka husi ospital Referénsia Maliana ho aviaun ambulánsia ho dignoze traballu sindroma insufisiénsia respiratória aguda (SIRA), ka susar/difísil atu dada-iis, tanba Covid-19 (rezultadu PCR pozitivu ho CT-cycle  treshold-21,5).

Matebian laiha istória moras seluk, maibé mear ho iis-boot iha uma durante semana ida nia laran ona.

“Iha fatin izolamentu Vera Cruz ekipa médiku sira halo re-avaliasaun ba dignóstiku, no to’o iha konkluzaun katak matebian iha ona septic shock tanba pneumonia ne’ebé provoka husi Covid-19”, informa Rui.

Matebian hetan tratamenu tuir protokolu ne’ebé iha, inklui tratamentu ho oksijéniu, maibé iha loron 14 Dylan-juñu dader tuku 11h40 iis-kotu tanba respiratoric failure ho multiple organ failure.

Família kordena hela ho ekipa saúde atu hala’o funerál tuir protokolu ne’ebé adopta iha Timor-Leste.

Entretantu, Ministériu Saúde liuhusi Sentru Integradu Jestaun ba Krize (SIJK) rejistu óbitu hamutuk 19. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter