Ema hirak ne'e deteta infensaun ba covid-19 liuhosi teste swab bainhira sira viajen husi Dili ba Uatulari.

"Iha Uatulari ne'e ema na’in-17 mak poztivu covid-19, ida ne'e mesak labarik sira mai husi Dili. E sira to'o ho to'o sira swab kedan, depois sira hetan rezultadu ida kona-bá Covid-19”, hatete nia ba www.tempotimor.com liuhosi telefone, kinta (20/05).

Atu izola suspeitu hirak ne'e, parte suku mòs nafatin esforsu no lori ona 13 ba izolamentu Vikeke no hela pasiénte haat, na’in-rua husi Suku Makadiké no rua seluk husi Suku Vesoru mak seidauk iha prosesu kooperasaun hela.

"Agora dadauk família pozitivu ninian ne'e, ha’u ba koopera ho sira ne'e hamutuk ona ema na’in-4, na’in-rua ba uluk tiha ona izolamentu, no hela tan na'in-rua mak seidauk, ne’ebé orsida ami ba koopera ho família sira para lori ba izolamentu iha Vikeké”, informa nia.

Entretantu totál ema na'in-17 ne'e, husi suku Afaloikai, Vesoru, Matahoi no Makadiké. (*)