Login to your account

Username *
Password *
Remember Me

Autoridade Uatulari Apresia Governu Hasa’e Subsídiu Idozu ba $50

Administrator Postu Administrativu Uatulari Manuel do Rosário. Administrator Postu Administrativu Uatulari Manuel do Rosário. Foto Tempo Tuimor

Tempotimor (Dili)-Administradór Postu Administrativu Uatulari, Munisípiu Vikeké, Manuel do Rosário hatete, nia parte apresia Governu daualu ne'ebé deside hasa’e subsídiu idozu sir- nian husi $30.00 ba $50.00 kada fulan.

“Nu’udar administradór ha'u hakarak apresia ba programa Governu tanba terseiru idaide sira ne'e 30 dólar por mês ne'ebé fulan neen mak selu 180, e até halo terseiru idade balun hetan tusan, maibé sira aumenta 50 dólar por mês”, dehan nia ba www.tempotimor.com iha edifísiu Postu Administra Uatulari, sesta (05/08).

Ba programa ne'ebé Governu halo, inisiativa di'ak atu lori duni naroman ba povu sira iha área rurál.

Nune'e mós ba programa subsídiu $200 ba família uma-ka'in sira kada tinan iha fulan-dezembru nia laran, tanba Governu lakohi nia povu moris susar no terus.

Tanba programa ne'ebé Governu kria maske sei la responde no reduz povu nia susar no terus  to’o pursentu atus-ida maibé pelu menus fó kondisaun ruma ba komunidade no família sira atubele halo festeza ho nia família iha selebrasaun natál no tinan-foun.

Maibé subsídiu hirak ne'e defende filafali ba komunidade sira mak tenke jere buat ne'ebé estadu fó, maibé komunidade simu $200 iha fulan-dezembru depois hakarak gasta hotu siknifika sira mak estraga-an.

“Sira hakarak dehan katak Governu fó mai ita halo festeza natal no ano novo simples para osan ne'e ita-bele kuidadu pada depois pelu menu to'o fulan ida-rua mak ita gasta hotu mais Komunidade sira hakarak gasta hotu siknifika katak ita mak hakarak hakoi ita-nia an”, hatete nia.

Ba subsídiu $200 ida-ne'e, parte Administradór Uatulari hakarka atubele fó ba komunidade kbi’it la'ek sira maibé la konkorda atu funsionáriu públiku sira mós hetan iha fulan-dezembru, tanba sira iha saláriu desimu-terseiru kada tinan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter