Timor-Leste Kontinua Rejistu Kazu Covid-19 Foun Ho Númeru Aas

Tempotimor (Dili)-Timor-Leste liuhusi Sentru Integradu Jestaun ba Krize (SIJK) kada loron kontinua rejista kazu Covid-19 ho númeru ne'ebé aas.

“Timor-Leste ohin (14/05) detetatu kazu foun Covid-19 ho númeru aas, ne’ebé relata ohin loron 14 fulan-maiu tinan 2021 hamutuk 239, iha Dili 198, iha Munisípiu seluk 41”, deklara Koordenadór Forsa-Tarefa ba prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikandu imprensa, sesta (14/05).

Husi totál kazu detetadu foun iha mane 174, feto 65 ho idade tinan 12 na'in-5 ho idade entre tinan 12-59 na'in-218 (91,2%) ho idade 60 na'in-16 (6,6% horiseik loron 13 fulan-maiu, 7,9%).

Haree ba proporsaun kazu sintomátiku hamutuk 10,8% (horiseik, loron 13 fulan-maiu 22,9%).

Husi 239 kazu detetadus foun, 77 husi kadeia Bekora hamutuk hotu husi loron 13 to’o 14 fulan-maiu iha kadeia Bekora deteta kazu pozitivu 220 husi populasaun prisional 557 (taxa de atake 39,5%).

“Kazu konfirmadu kumulativu iha 14 fulan-maiu 2021 (sura husi 21 Marsu 2020) 4118, Kazu rekuperadu 86 no kazu ativu ohin, loron 14 fulan-maiu tinan 2021 hamutuk 1968”, informa Rui.

Husi loron rua nia laran Laboratóriu Nasionál Saúde (LNS) halo 931 testes PCR iha Dili, ho detallahanesan, vijilánsia sentinela 75,  rastreiu ba kontaktu (contact tracing) 76, rastreiu aleatoriu (random screening) 28, viajen sai husi serka sanitária munisípiu Dili 336, viajen internasionál 141, follow up iha kuarentena 19.

Rezultadu, testes  PCR ne’ebé  halo iha loron 13 fulan-maiu iha Munisípiu  sira seluk, REAOA ho HNGV, hamutuk 531,  ho detalla hanesan, Baukau 90, Ermera 45, Maliana 53, Maubisse 174, RAEOA 0, Suai 49, Vikeke 36 no HNGV 84. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter