Pasiénte Covid-19 na'in-143 kompostu husi Prizioneiru na'in-134 no guarda na'in-9.

Ministra Saúde Odete Maria Freitas Belo hatete, pasiénte covid ne'ebé detetadu ona sei halo de'it izolamentu iha prizaun laran no la lori sai ba fatin ida.

"Provizoriamente ema na'in-143 mak pozitivu Covid-19, maibé iha mós númeru balun ne'ebé sei hein hela nia rezultadu”, dehan nia iha prizaun Bekora, sesta (14/05).

Iha fatin hanesan Ministru Justisa (MJ), Manuel Cárceres da Costa hatete, kazu detetadu hamutuk 143 iha prizaun Bekora.

"Ha'u dader ha'u liuhusi ne'e, ha'u simu tiha rezultadu katak guarda prisional na'in-9 pozitivu tanba  moras ne'e kontazia ba sira no ita-nia maluk sira iha sela prizaun na'in-134 sira mós hetan hotu Covid", dehan nia.

Prizioneiru sira ne'ebé pozitivu Covid-19 ne'e, tanba sira hamutuk iha sela ida hamutuk ho maluk matebian Juga Gama pois sela rua besik malu. 

Entretantu sela rua ne'e la'ós hetan hotu infensaun  ne'e, maibé  iha balun hetan pozitivu no balun negativu.

Nune'e, ema sira ne'ebé iha prizadaun Bekora halo ona teste swab iha loron 12 fulan-maiu balun rezultadu iha ona, balun sei hein rezultadu no totál Prizioneiru sira hamutuk 541 inklui ho feto na'in-4. (*)