Família koopera hamutuk ho ekipa Sentru Intregadu Jestaun ba Krize (SIJK) hodi lori matebian ba Munisípiu Vikeke, Postu Administrativu Uatulari.
Tuir kronolojia antes ne'e matebian sofre moras feto, iha Postu Uatulari hodi transfere mai Dili ho elikóteru.
Nune’e halo tratamentu iha Hospital Nasionál Guidu Valadares (HNGV) matebian nia konsege kondisaun di'ak no alta.
Maibé, iha loron kinta (06/05) matebian moras filafali no konsege lori ba HNGV, pesoál saúde halo test swab ba matebian ikus mai matebian pozitivu Covid-19 nune'e transfere na sala Izolamentu Vera Cruz iha loron sesta (07/05).
Baixa tama iha izolamentu hafoin loron ida pasiénte hakotu iis iha loron sábadu (08/05) oras tuku 16:00 iha Sala Izolamentu Vera Cruz matebian husik oan na’in-tolu.
Tuir oan mane, José Amaral haktuir parte família sei lori sai mate isin husi sala Izolamentu ba Munisípiu Vikeke, Postu Administrativu Uatulari.
“Ami agora atu aranka ba Uatulari Iha ne'ebá ami sei halo tuir Estadu Emerjénsia no sei hanoin kedan”, afirma José Amaral iha izolamentu Vera Cruz, domingu (09/05)
Parte família mós koopera ho Sentru Integradu Jestaun ba Krize (SIJK) no halo tuir saída mak pesoál saúde sira ko'alia, hodi la’o tuir nafatin protokolu Ministériu Saúde no Organizadu Mundial Saúde (OMS).(*)
