sidadaun sira ne'ebé lakohi kooperaho ekipa médiku sira Ministériu Saúde (MS) nian, bainhira tun ba foti amostra hodi halo teste Swab, maka komandu
Tanba, ema deskoñesidu balu ne'ebé tuda karreta ambulánsia Ministériu Saúde nian bainhira atu foti amostra ba komunidade sira balu iha Suku Kaikoli, Postu administrativu Verra Cruz, munisípiu Dili.
Tuir loloos asaun kríme sira ne'ebé halo hasoru fali autoridade sira profisionál saúde nian, la devia atu akontese.
"Kuandu akontese, polísia sei foti medida rigorozu hasoru sira", dehan Segundu komandante PNTL Dili, Euclides da Costa Belo iha Kaikoli, kuarta (10/03).
Ajente profisionál saúde hamutuk ho ekipa Sentru Integradu Jestaun Kríze (SIJK) no parte seguransa nian hala'o servisu hodi garante ema nia direitu ba moris, ligadu ba kombate surtu Covid-19.
"Tanba ne'e maka kuandu sira tama iha bairru ne'ebé de'it mak atu teste swab ba ema ruma ne'ebé identifikadu, di'ak liu tenke koopera, labele halo fali hanesan asaun seluk", dehan nia.
Tanba ne'e husu ba sidadaun sira hotu, atu di'ak liu servisu hamutuk, labele halo kualker tipu kríme saida de'it, servisu hamutuk hodi bele kombate surtu Covid-19 iha TL.(*)
