Login to your account

Username *
Password *
Remember Me

Tempotimor (Dili)-Polísia Nasional Timor-Leste (PNTL), liu husi komandu munisípiu Dili liuliu polísia tránzitu sei halo cek point ka pasa revista makas ba dokumentu karreta no motorizada iha tempu natál atu evita asidente.

Tanba motorista sira kontra sinais tránzitu, balun viatura para iha estasionamentu i balun espellu la iha, nune’e mós assesores viatura sira ne’e laiha inklui dokumentus.

"Tanba ne’e iha fulan-dezembru ne’e ita hasa’e volume cek point nia, tanba atu tama ona ba Natal no tinan foun ne’ebé ita tenke hasa’e volume hodi evita asidentes durante loron boot", dehan (PNTL) munisípiu Dili, Superintendente Xefi Orlando Gomes, iha kaikoli, segunda (18/12).

Nune'e mós komandante operasaun ho nia ekipa prende fugetis lubuk ne'ebé sunu iha bairo-laran, tanba halo barrulu no halo komunidade deksansa la diak

"Ita nia ekipa taskforce sira kalan nafatin halo operasaun hodi prende fugetis ne’ebé halo barullu, tanba ne’e ita konsidera hanesan perturbasaun ordem públika no halo ema la hakmatek, entaun polísia tenke halo asaun no halo operasaun hodi foti sasan sira ne’e. Iha fugetis balun ne’ebé sira uza kalen hodi uza gazolina, tanba ne’e ita tenke asegura atu labele mosu insidenti ruma ba sira nia an rasik", nia dehan.

Nune'e husu ba joven no komunidade hotu iha Dili atu halo kolaborasaun di’ak ho komandu munisípiu Dili, liu husi OPS no eskuadra sira bele kria ambiente paz iha tinan foun no natál.

Antes ne’e, PNTL liu husi komandu munisípiu Dili liuliu polísia tránzitu konsege rekolla koimas rihun US$25.480 ba kofre estadu, durante fulan-outubru nia laran.

"Durante ne'e ita nia komandu munsípiu Dili fó ordem ba sira tránzitu rodoviáriu hodi halo cek point iha tempu loron no tempu kalan. Iha fulan outobru ita konsege prende infrasaun hamutuk 719 ho total koima ne’ebé ita hatama iha kofre estadu nia iha fulan outubru mak rihun US$ 25.480", nia afirma.

Aleinde ne'e, komandu munisípiu Dili prende mós infrasaun iha fulan-novembru nian hamutuk 242 ho koimas USD$985 ba iha kofre estadu. (*)

Tempotimor (Dili)-Membru Falintil Forsa Defeza de Timor-Leste (F-FDTL), no Polísia Nasional Timor-Leste (PNTL) halo ona juramentu hodi hases aan husi Grupu Arte Marsial (GAM) no Grupu Arte Ritual (GAR) iha tinan 2009, maibé la konsege kumpri, nune’e ohin loron 07 fulan-dezembru juramentu tán dala ida.

Tempotimor(Dili)-Komandante Polisia Nasional Timor Leste (PNTL) munisipiu dili, Superintendente Xefi Orlando Gomes hatete, suspeitu ne'ebé na’ok laptop rua  iha loron 7 fulan-outubru sei hetan sansaun todan, tanba sira repete kazu ne'ebé hanesan.

Tempotimor (Dili)-Polísia Nasional Timor-Leste (PNTL) liu husi komandu eskuadra Nain-Feto prende sigaru hamutuk slop 601 iha merkadu Taibesi.

Tempotimor (Dili)-Komandu Polísia Nasionál Timor-Leste (PNTL) simu formadór na’in-rua husi nasaun Portugal hodi apoiu formasaun ba membru PNTL sira iha área protesaun natureza, iha Kuartel Jerál PNTL Loron 25 fulan-setembru 2023.

Tempotimor (Dili)-Komandu Polísia Nasional Timor-Leste (PNTL) liuhusi Diresaun Justisa no Disiplina iha loron 19 fulan-setembru ne’e hala’o sorumutu dahuluk ho Xefe Sesaun Justisa no Disiplina Komandu PNTL munisípiu 13, Unidade tolu hanesan Unidade Polísia Marítima (UPM), Unidade Espesial Polísia (UEP), Unidade Patrullamentu Fronteira (UPF) no Centro Formação Polícia (CFP) hodi ko’alia kona-ba progresu no dezafiu sira ne’ebé sesaun Justisa no Disiplina sira hasoru durante ne’e.

Tempotimor (Dili)-Prezidente Komisaun Organizadora ba Eventu Internasional of Road Timor (IFT), Toni Lopes hamutuk ho ekipa, hala’o enkontru ho Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa no Segundu Komandante Jerál, Komisariu Polísia Pedro Belo hodi ko’alia kona-ba preprasaun ba eventu refere ne’ebe tuir planu sei hala’o iha munisípiu Likisá.

Tempotimor (Dili)-Polísia Nasional Timor-Leste (PNTL) sei hari’i postu polísia iha aldeia Manu-Meta Raihun, Suku Vila-Verde, Postu Administrativu Vera-Cruz, Munisípiu Dili hodi responde ba konflitu ne’ebé maka akontese iha loron domingu (20/0/2023) rezulta vítima kanek no komunidade sira-nia uma hetan estragu.

Tempotimor (Dili)-Primeiru-Ministru (PM), Kay Rala Xanana Gusmão alerta ba membru Polísia Nasionál Timor-Leste (PNTL) tomak atu hala’o kna’ar tuir de’it artigu 147 Konstituisaun RDTL katak, polísia ho forsa seguransa tenke defende legalidade demokratika no garante seguransa interna ba sidadaun hotu no la inklina ba partidu polítika ka grupu ruma.

 

 Tempotimor (Dili)-Polísia Nasionál Timor Leste (PNTL) liuhusi Komandu Munisípiu Liquiçá hala'o Seguransa ba Membru Persaudaraan Setia Hati Terate (PSHT) foun husi Kapitál Dili ne'ebé halo Graduasaun iha 13 fulan-Agustu 2023, realiza iha Salaun Bobolait, Tibar, hamutuk ema na'in-2620.

 Tuir informasaun ne’ebé www.tempotimor.com, asesu husi pájina midia PNTL katak, serguransa ne’ebé PNTL halo ho objetivu hodi kontrola no normalija Movimentu Transporte Públiku, Privadu hodi prevene Engrafamentu no Asidente Tráfiku iha área Diresaun Tasi-tolu ba Rotunda Tibar.

Tanba ne’e hetan monitorisaun másimu husi Komandante Komandu PNTL Munisípiu Liquiçá Akompaña husi 2⁰ Komandante Munisípiu ho Estrutura Komandu no hetan apoiu vizilánsia husi Unidade Espesial Polísia (UEP).

Komandu PNTL Munisípiu Liquiçá prontu no mantein nafatin hodi fó seguransa ba kualker atividade ne'ebé hala'o iha Munisípiu Liquiçá.

 Entretantu iha loron 13 fulan-Agustu 2023, Komandante Rezerva Intervensaun Rapida (RIR) Inspetór Polísia, Domingos Ximenes da Costa Reprezenta Komandante Komandu PNTL Munisípiu Liquiçá hodi Partisipa Serimónia Graduasaun Membru Persaudaraan Setia Hati Terate (PSHT) foun 13-08-2023 hamutuk na'in (Rihun rua Atus nen rua nulu) 2620.

 Iha serimónia graduasaun ne’e partisipa husi Vise Primeiru Ministru, Mariano ‘Asanami’ Sabino, Prezidente Komisaun Reguladora Arte Marsiál sira nian (KRAM), Reprezentante Komandante Komandu Munisípiu Liquiçá, Prezidente Sub-KRAM Munisípiu Liquiçá. Iha mós ekipa ne’ebé fó Graduasaun ba Membru PSHT foun mai husi Nasaun Indonézia Tingkat-2 Majelis Luhur no entidade sira seluk. (*)

Page 1 of 88
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter