Rejultadu teste ne’ebé fó sai iha loron 7 fulan-marsu tinan 2021, kuaze tuku 9 kalan oras Timor-Leste, iha Centro Convensaun Dili (CCD), katak husi ema na’in 289 ne’ebé halo amostra iha na’in rua mak pozitivu.
“Husi restreiu ba kontaktu ne'ebé ita halo iha Bairru BTN 2 Tasi-tolu, na’in 2 mak hetan pozitivu ohin lorokraik, husi 289 ita halo amostra na’in-rua mak pozitivu", informa Rui.
Nia mós apela ba populasaun tomak iha Dili laran, komesa loron 8 fulan-marsu tinan 2021 dadersan sei laiha atividade movimentasaun.
"Agora ita sei buka tan kontaktu sira husi viziñu sira hodi halo tan teste ba komunidade sira ne'ebé hela besik", dehan nia.(*)