EE 11: Posibilidade Aplika ba Teritóriu Nasional, Atividade Hotu Taka

Plenaria debate proposta estensaun EE ba dala 11, Segunda (1/3) Plenaria debate proposta estensaun EE ba dala 11, Segunda (1/3) Foto Tempo Timor

Tempotimor (Dili)-Reasiona ho pandemia Covid-19 ne’ebé dadaun ne’e afeta ona ba komunidade lokál, maka governu husu ona ba Prezidente Repúblika (PR) no Parlamentu Nasionál (PN) atu autoriza no aplika Estadu Emerjénsia (EE) ba teritóriu nasionál durante loron tolunu.

Tuir pedidu Prezidente Repúblika, Francisco Guterres Lú Olo ba PN katak, estensaun estadu emerjénsia ba dasanu-resin-ida (XI) sei aplika iha teritóriu nasionál tomak, hanesan ho estadu emerjénsia ne’ebé aplika ona iha faze dahuluk.

“Renovasaun EE ba Da-XI ne’ebé atualmente ein-vigór ho fundamental ba situasaun kalamidade públika ba periodu loron 30, ne’ebé hahú husi oras 00:00 kinta-feira (4/3) to’o oras 23:59 Sesta-feira (2/4), sei aplika ba teritóriu nasionál, entaun ofesiálmente sei suspende atividade hotu,” dehan iha pedidu PR ba PN, Segunda (1/3).

Pedidu ne’e mós realsa, bazeia ba alinea G artigu 85 K-RDTL ne’ebé konjuga ho artigu 6 numéru 1,9,10,11,15 no 20 inklui lei númeru 3/2008 de 28 Fevereiru fó kompeténsia ba PR hodi dekreta ba renovasaun estadu emerjénsia.

Entretantu dadaun ne’e, Timor-Leste rejista ona kazu pozitivu hamutuk 113 ne’ebé na’in 23 kontinua baixa iha izolamentu Vera Kruz no na’in 90 mak rekopera ona husi Civid-19. Alende ne’e sidadaun sira ne’ebé kontinua hein rezultadu teste husi laboratóriu hamutuk 197.(*)

Rate this item
(10 votes)
Last modified on Saturday, 06 March 2021 17:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter