Login to your account

Username *
Password *
Remember Me

PR Lú Olo Husu Sidadaun Kontinua Kumpri Medida Prevensaun Covid-19

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Baukau)-Prezidente Repúblika (PR), Francisco Guterres 'Lú Olo' husu, ba sidadaun hothotu atu kontinua kumpri medida prevensaun Covid-19, tanba iha nasaun balun númeru kazu hahú aumeta fali ona.

"Iha país barak iha Europa moras Covid-19 hahú fali ona, inklui iha Portugal, ho númeru kazu rihun tolu, loroloron", dehan PR Lú Olo iha selebrasaun 28 novembru iha Darsula, Baukau, domingu (28/11).

Tanba moras ne'e mosu ho variante oioin, país balun foti ona medida obrigatória Uza máskara beibeik, aprezenta kartaun vasina no teste negativu PCR bainhira sae aviaun ka tama iha fatin públiku ka hetan malu ho ema.

Tanba ne’e, atu haforsa imunidade hasoru vírus Covid-19 no ninia variante sira, país balun, inklui Portugal, hahú ona fó vasina doze datolu no bele deklara tan estado de Calamidade.

"Haree ba situasaun alerta iha País sira seluk, Prezidente Repúblika apela ba populasaun tomak atu simu vasina lalais, uza máskara beibeik, fase lima no hadook-an malu nafatin", hatete Xefe Estadu.

Entretantu Prezidente Repúblika promulga ona mós proposta alterasaun dahuluk ba Lei Sistema Saúde 2004, ne'ebé hatoo husi Parlamentu Nasional, atu entidade relevante sira iha kbi’it hatán di’ak liu ba ezijénsia no nesesidade atu proteje saúde públika.

Lei ne’e adota mós medida exesionál no temporáriu atu hasees moras Covid-19 daet bá-mai, ne'ebé sei aplika iha prazu fulan haat, loron atusida-ruanolu nia laran. Maibé medida sira ne'e bele hatutan, karik presiza, atu nune'e lalika halo estadu Emerjénsia beibeik.

Maibé Governu sei akompaña nafatin situasaun Covid-19 nian iha rai-laran no haree sá medida mak tenke foti. Karik mosu situasaun gravé tebes ne'ebé ezije suspensaun direituskonstitusionál, Governu  bele propoin Estadu Emerjénsia ba Prezidente Repúblika atu tetu no deside husu ka la husu autorizasaun ba Parlamentu hodi deklara Estadu Emerjénsia.

Populasaun Timor-Leste, ho otas liu sanulu-resin-ualu, liu pursentu 56 (ema  liu 425 mil) mak simu ona doze kompleta vasina no liu pursentu  80 (ema liu 600 mil)  mak simu doze dahuluk.  Populasaun Baukau liu pursentu 50 simu ona doze kompleta no maioria boot ida, pursentu 81 mak simu ona doze dahuluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter