Covid-19: Rekupera Na'in-6, Na'in-3 Tama Hikas Izolamentu

Tempotimor (Dili)-Ministériu Saúde (MS) alerta ba públiku katak, ema na’in-neen (6) rekupera ona no na’in-tolu (3) tama-hikas kuarentena.

Koordenadora Jerál Covid-19 Odete da Silva Viegas, kazu pozitivu Covid-19 sa'e ona ba na'in-18, maibé rekupera ona na'in-neen.

“Dadus kumulativu teste hamutuk 16.885, sira-ne'ebé sei hein rezultadu hamutuk 406, kazu pozitivu 49, totál rekuperadu 37, kazu foun 3, pasiente ne'ebé sei baixa hamutuk 12, rezultadu negativu hamutuk 16.430 no ema ne'ebé sei iha kuarentena hamutuk 313 no totál abitante ne'ebé pasa ona husi períodu kuarentena hamutuk 6.974,” nia fó-sai liuhusi konferénsia imprensa iha Palásiu das Cinzas, Kaikoli, Segunda (4/1).

Tuir nia, pasiente foun tolu ne'e mane hotu kompostu hpsi mane ida ho idade 19, ida idade 29 no ida tán ho idade 43 ne'ebé husi Reinu Unidu.

Nia haktuir, pasiente ida ho idade 19 ne'e viajen husi Reinu Unidu mai Timor-Leste iha loron 21 Dezembru no to'o iha Dili iha loron 22 Dezembru hamutuk ho pasajeiru 100 no sira na'in-14 mak kuarentena iha otél Vila-Verde hafoin hetan katak sidadaun ne'e pozitivu ba covid-19.

Nune’e mós pasiente rua seluk viajem husi Reinu Unidu mai Timor-Leste iha 20 Dezembru to'o iha Dili iha 22 Dezembru hafoin ba kuarentena iha otél Time square, Fatuhada.

Diretora Jerál Prestasaun Saúde ne'e mós husu ba públiku atu koopera, kolabora no nafatin tau fiar ba Ministériu Saúde hodi bele hala’o kna’ar tuir padraun, labele pániku, kumpri nafatin regra estadu emerjénsia ne'ebé governu dekreta ona no medida preventiva Organizasaun Mundiál Saúde (OMS) fó sai ona.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter