Stock Ekipamentu Prevensaun Covid-19 iha SAMES sei Sufisiente

Diretór Ezekutivu SAMES Santana Martins Diretór Ezekutivu SAMES Santana Martins Foto Tempo Timor

Tempotimor (Dili)-Too iha fulan Agostu nee, stock ekipamentus ba prevensaun Covid-19 iha Serbisu Autonomu, Medikamentu no Ekipamentu Saúde (SAMES) sei sufisiente, maibé husu ba fasilidade saúde sira atu uza ekipamentus tuir nesesidade hodi bele antisipa karik iha aumentu kazu.

Diretór Ezekutivu SAMES Santana Martins hatete, iha fulan tolu nia laran, hahú husi fulan Juñu too Agostu nee, stock ekipamentu ba prevensaun Covid-19 nian iha SAMES sei sufisiente.

"Análiza ne'ebé parte SAMES ninian, liu-liu ekipamentu protesaun pesoál (hanesan) xapeu, roupa, maskara, luvas no mós sapatu sira ne'e, tuir ami-nia analiza katak, stock ne'e sei sufisiénte ba to'o fulan tolu, to'o fulan ne'e, maibé depende ba kazu, kuandu kazu ne'e derepente sa'e, entaun stock ne'e ita labele uza tuir estimasaun ne'ebé iha, tanba ninia utilizasaun ne'e bele aumenta maka'as," dehan Santana iha nia knaar fatin, Kampung Alor, Kuarta (12/08).

Maske kazu Covi-19 la aumenta, Santana husu ba fasilidade saúde sira atu uza ekipamentu prevensaun Covid-19 nian tuir nesesidade.

Tanba, nia dehan, maske TL liu husi kooperasaun ho UNDP sosa ekipamentu saúde, maibé laiha serteza katak ekipamentu refere sei too lalais, tanba nasaun barak mak sei lockdown.

"Esperiénsia hatudu ba ita katak ita iha konfiansa ba UNDP hodi hola sasan ba ita, maibé realidade sasan balun mós sira kompras seidauk hetan, agora ida ne'e la'ós sira mak laiha kapasidade, maibé mundu tomak lockdown, entaun defisíl atu hola," nia dehan.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.