"Projetu dahuluk ne’e ho objetivu atu halo alterasaun datoluk ba Dekretu-Lei 14/2004, loron 1 fulan-setembru ho redasaun ne’ebé fó husi Dekretu-Lei nu.40/2011, loron 21 fulan-setembru no 4/2019, loron 13 fulan-marsu, kona-ba Ezersísiu Profisaun Saúde nian", dehan Ministru Prezidénsia Konsellu Ministru, Fidelis Manuel Leite Magalhães iha Palásiu Governu, kuarta (28/09).
Tanba, hakarak atu alkansa aumentu grau ezijénsia nian hodi hetan sédula profisionál, ne’ebé kualifikadu liu, kualidade ne’ebé aas liu husi kuidadu saúde sira ne’ebé fó ba populasaun no konfiansa ida ne’ebé boot liu iha kualidae téknika no deontolójika husi profisionál sira ne’e.
"Projetu daruak iha ninia objetu ba alterasaun dahuluk ba Dekretu-Lei nu 13/2012, loron 7 fulan-marsu, kona-ba Karreira sira Profisinál Saúde nian", nia afirma
Projetu ne’e, atu dignifika no valoriza profisionál saúde sira, liuhusi karreira ida ne’ebé marka ho etapa ezijente sira formasaun pós-graduda jerál no espesializada, maibé mós objetu rekoñesimentu institusionál, liuhusi mekanizmu legál ne’ebé permite progresu no promosaun ne’ebé justa no ekitativa. (*)