Login to your account

Username *
Password *
Remember Me

MAE Partisipa Kampaña Nasionál Kombate Mánutrisaun no Diálogu Komunitáriu iha Ainaro

Ministru Administrasaun Estatal (MAE), Miguel Pereira de Carvalho kaer liman hela ho Prezidente Repúblika, José Ramos Horta, iha diálogu komunitáriu. Ministru Administrasaun Estatal (MAE), Miguel Pereira de Carvalho kaer liman hela ho Prezidente Repúblika, José Ramos Horta, iha diálogu komunitáriu. Foto Suplay

Tempotimor (Dili)-Ministru Administrasaun Estatal (MAE), Miguel Pereira de Carvalho partisipa iha diálogu komunitáriu ne'ebé hala'o husi Prezidente Repúblika, José Ramos Horta ho komunidade Munisípiu Ainaro ho tema ‘Kultura ba Dame’.

Tuir informasaun ne’ebé www.tempotimor.com, asesu iha pájina MAE, tersa (09/08) katak, antes programa diálogu Komunitária Ministru Miguel partisipa iha Programa ba Kampaña Nasionál Kombate Mánutrisaun iha Postu Administrativu Ainaro Vila, Munisípiu Ainaro ne'ebé realiza husi Prezidente Repúblika, José Ramos Horta nomós iha formasaun no demostrasaun ai-hán nutritivu ne'ebé halo husi PLAN Internasional, WFP, UNICEF, Austrália Aid no PARCIC.

Diálogu Komunitária ne’e hala’o iha Salaun Parokial Ainaro vila, Munisípiu Ainaro, Ministru Miguel mós hatan ba preokupasaun husi Autoridade Lokál no Líder Komunitáriu ne’ebé mak hato’o iha diálogu kona-ba preparativus Serimónia 28 Novembru ne'ebé realiza iha Munisipiu Ainaro.

“Relasiona ho 28 Novembru, Governu deside ona para realiza Serimónia 28 Novembru tinan 2022 iha Munisípiu Ainaro. Kona-ba preparativu sira inklui Serimónia Içar no Arear da Bandeira Nasionál, Serimónia ba feira, Serimónia hanesan divertimentu sira, estruturas sei integra hamutuk ho Munisípiu Ainaro no preparativus sira para realiza Serimónia Içar da Bandeira 28 Novembru ne'e hahu ona iha Nasionál no Komisaun Organizadora sei halo reuniaun hamutuk ho ita-boot sira iha Munisípiu Ainaro nomós relasaun ho estrada sira, Ministériu Obras Públika sei iha Planu para atu hadi’a estrada sira”, esplika nia.

Partisipa iha diálogu no Kampaña Nasionál ne'e mak reprezentante Tribunál Rekursu, membru Governu Konstitusionál daualu, Komandante PNTL Munisípiu Ainaro, Emprezáriu, Parseiru Dezenvolvimentu sira, Entidade relevante, Autoridade Munisipál, Autoridade Postu, Lideransa Komunitária sira, grupu Arte Marsiál, komunidade Ainaro no estudante sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter