"Iha Ospitál rejionál eduardu ximenes baukau, kazu ne'ebé mate husi fulan-3 até ohin dia 29 (marsu) ita rejista hamutuk 84," dehan Diretór asistensia klinika HoREX Baukau, Saleciano Pinto Fernandes, iha kna'ar fatin HoREX Baukau, tersa (29/03).

Númeru mortalidade kompostu husi kazu pediatria hamutuk na'in-18, ema adultu na'in-66 no sofre moras dengue, emorarsebrar, sepsi estrop, kardio vaskular, eklamsia (tensaun), bronku neomonia, bronku aspirasaun, inklui kazu asidente.

"Durante ne'e ita fó atendementu ba rekursu ne'ebé iha, ita fó asistensia ba sidadaun ne'ebé hakarak mai simu atendementu iha HoREX Baukau,"nia hatete

Enkuantu husi fulan-janeiru-marsu tinan-2022, Ospitál Baukau, rejistu moras dengue hamutuk na'in-158.

Entertantu pasiente ne'ebé sei ativu baixa iha HoREX Baukau, hamutuk na'in-129, kompostu husi Munísipiu, Lautém, Vikeke, Manatuto inklui Baukau. (*)