Nune’e, husi HoREX transporta pasiente hirak ne’e, ba Óspital Nasionál Guido Valadares (HNGV-sigla portugés) Dili hodi kontinua halo tratamentu.
"Ita transfere kuaze 30-resin ona ba Dili tuir kondisaun moras pasiente nian, ida ne'ebé mak ita atende iha ne'e, ita atende, kuandu pasiente mai presiza atendementu mais espesializadu, entaun tenke transfere ba Dili," Dehan Xefe Departementu Kualiti Kontrolu HoREX Baukau, Mario Marcelo Sarmento, iha kna'ar fatin, sesta (03/06).
Razaun transporta pasiente, tanba ékipamentus hanesan rádiologia dadaun avaria, inklui raisis, maibé diresaun servisu HoREX Baukau, hato'o ona pedidu ba servisu sentral Ministru Saúde no hein atu halo manutensaun.
"Kazu grave hanesan trauma ruma ne'ebé ita haree presiza apoiu ezaminasaun ho rádiologi, entaun ita tenke ba Dili halo chek upp iha ne'eba," nia afirma
Husi kazu 30 resin ne'ebé HoREX Baukau transporta ba Óspital Nasionál Guido Valadares, kompostu husi moras Anemia problema ho rán inklui trauma.
"Inan balun mai partus ran menus, iha ne'e kuaze golonggan darah barak mak laiha, A, AB, B ho O, mais enkuantu iha ami mós halo doasaun rán estudante sira," nia informa
Enkuantu, loron 02 fulan-juñu tinan-2022, iha área Teulale, Suku Bahu, Postu Administrativu Baukau Vila Munísipiu Baukau, akontese bua-hun tohar hanehan ai-riin eletrisidade, ne’ebé kauza bulih eletrisidade monu kona sidadaun Julião da Costa Belo, idade 42, hetan kanek grave iha parte kotuk laran no ba halo tratamentu iha HoREX Baukau, maibé lakonsege , tanba mákina rádiologi avaria, nune'e, transporta kedas ba Óspital Nasionál Guido Valadares Dili. (*)
