Tanba, Tribunál Supremu Justisa iha segunda (21/02) haruka ona formuláriu no pasword kada deputadu sira-nia email atubele asesu no konfirma durante 48 nia laran.
“E dentru de 48 oras tenke loke Email, tribunál sira hatene ona katak ita-boot sira konfirma ita-boot sira-nia andress eletróniku ne'e”, dehan Aniceto iha plenáriu PN, segunda (21/02).
Tanba ne'e, husu ba xefe bankada parlamentar sira atubele orienta deputadu sira, loke ida-idak nia email oinsá mak bele komfirma sira-nia formuláriu ho pasword ne'ebé haruka husi tribunál.
“Atu aviza kedas distintu deputadu, tékniku sira husi sekretariadu fahe tiha ona ba deputadu hothotu, Email ka Andress Eletróniku ne'ebé tékniku sira foin estabelese ba kada deputadu. Tribunál halo tiha ona lansamentu, agora aviza kedas deputadu sira, loke tuir ida andress nene'e, tanba tribunál lansa tiha ona”, hatete nia.
Tirbunál Supremu Justisa ne'ebé dadauk asume husi Tribunál Rekursu deside kria formulariu online ba kada orgaun titular sira hodi presta sira-nia deklarasaun riku-soin ba Tribunál Supremu Justisa, tanba bazeia ba lei númeru 7/2022, kona-ba Medida Prevensaun no Kombate Korrupsaun (MPKK). (*)
