Login to your account

Username *
Password *
Remember Me

Notifika Eis-Diretór TT ho Jornalista Lusa, TLPU Konsidera TDD 'Tama Sala Kuartu'

Sekretáriu Jerál TLPU, Zazito da Silva ‘Ze Makar Latu Titilari’ (karuk) kaer liman hela ho Jornalista Ajénsia Notisioza Portugues (LUSA), António Sampaio, hafoin julgamentu iha Tribunál Distritál Dili (TDD), kuarta (26/01). Sekretáriu Jerál TLPU, Zazito da Silva ‘Ze Makar Latu Titilari’ (karuk) kaer liman hela ho Jornalista Ajénsia Notisioza Portugues (LUSA), António Sampaio, hafoin julgamentu iha Tribunál Distritál Dili (TDD), kuarta (26/01). Foto Suplay

 

Tempotimor (Dili)-Organizasaun Timor-Leste Press Union (TLPU) konsidera Tribunál Distritál Dili (TDD) tama sala kuartu, tanba notifika eis-Diretór Midia Online Tempo Timor (TT), José António Belo ‘Taraleu’ ho Jornalista Ajénsia Notisioza Portugues (LUSA), António Sampaio sai sasin ba kazu Públikasaun Relatóriu Komisaun Justisa no Paz (KJP).

Sekretáriu Jerál TLPU, Zazito da Silva ‘Ze Makar Latu Titilari’ hatete, tuir loloos Tribunál la merese atu notifika jornalista atu mai tur iha Tribunál, tanba publikasaun notísia ne’e bazea ba faktu no dadus ne’ebé mak komprovativu.

"Ami atu hatete katak, Tribunál nia notifikasaun ba jornalista sira ne'e tama sala kuartu, tanba ami hanoin katak jornalista la merese mai tur iha Tribunál, tanba jornalista kuandu atu halo publikasaun ba nia notísia ruma ne'e bazeia ba faktu no dadus komprovativu”, dehan nia iha Tribunál Disrtital Dili, kuarta (26/01).

Ba notifikasaun ne’ebé mai husi Tribunál, mak parte Estrutura no membru Organizasun TLPU deside organiza malu ba Tribunál Distritál Dili, atu fó apoiu solidariedadeba ba Eis-Diretor Tempo Timor, José António Belo ‘Taraleu’ no Jornalista Ajensia Notisioza Portugues (LUSA), António Sampaio.

Tanba TLPU konsidera Tribunál nia notifikasaun ne'e sai hanesan ameasa boot ida no hamate liberdade imprensa no liberdade espresaun iha Timor-Leste.

"Tanba ne'e mak ami lamentavel tebes ba situasaun sira hanesan ne'e, ami hanoin katak jornalista sira ne'e la merese atu mai iha tur iha tribunál”, hatete nia.

Pozisaun TLPU haree katak publikasun sira jornalista na'in rua ne'e, kumpre lei komunikasaun sosiál, konstituisaun repúblika, étika deltolojia ne'ebé mak sai hanesan matéria ida ba jornalista sira loroloron hodi aprende no halo tuir, iha nia servisu.

Maske dokumentu hirak ne'e mai husi fonte anónimu, maibé konserteza ida ne'e deskreve ona iha baze legál katak sizílu profesionál ne'e jornalista labele hatete sai ninia naran, maske fonte ne'e fasilita relatóriu ka dokumentu ba jornalista.

"Maibé jornalista laiha intensaun ida, atu fó hatete sai fonte ne'e ninia naran tanba fonte ne'e, nu’udar sizílu profesionál, e ami hanesan organizasaun TLPU afirma katak jornalista la merese atu fó sai fonte ne’ebé mak fasilita hela domunentu tanba ida ne’e prevé ona iha lei komunikasaun Sosiál”, afirma nia. (*)

Rate this item
(1 Vote)
Last modified on Thursday, 27 January 2022 09:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter