Login to your account

Username *
Password *
Remember Me

MJ Hakfodak Governu Asina Akordu ho Pelican Paradise

Ministru Justisa (MJ), Manuel Carceres da Costa. Ministru Justisa (MJ), Manuel Carceres da Costa. Foto Suplay

Tempotimor (Díli)-Ministru Justisa (MJ), Manuel Carceres da Costa, hakfodak Governu Timor-Leste asina ona akordu Investimentu no arendamentu ho Empreza Pelican Paradise group limited, tanba nia parte la konkorda iha kontratu arendamentu tuir dekretu Lei 19/2004 Ministériu Justisa nian.

“Ha'u mós hakfodak fali, ha'u hakfodak tanba mídia nasionál sira la ba halo liputan depois ha'u mós la bá ida sua eselénsia Primeiru Ministru mós la ba ne'ebé ba husu sira ne'ebé asina de'it ha'u labele fó resposta tanba Ministru la asina. Ha'u la konkorda ho saida mak hakerek iha kontratu de arendamentu, ne'ebé iha parte barak”, dehan Ministru Manuel Carceres ba Jornalista sira iha Palásiu Governu, kuarta (05/01).

Dekretu ba lei 19/2004, fó arendamentu no afeitasaun ba sasán Estadu nian depois mós iha lei orgánika Governu nian.

"Kontratu de arendamentu ne'e so Ministru Justisa mak asina ne'e tuir lei, ha'u la partisipa asinatura iha razaun tanba lei. Lei haruka ita la'o, lei haruka ita mós para”, dehan nia.

Kona-ba solusaun ba asinatura Pelican paradise ne'e Ministériu Justisa sei fó solusaun ida ba Primeiru Ministru (PM), Taur Matan Ruak bazeia ba lei ne'ebé estabelese ona.

"Loron rua tolu ha'u sei fó solusaun ida ba sua eselénsia Primeiru Ministru tuir Lei”, hatete nia.

Durante ne'e Vise Ministru Justisa partisipa maibé la reprezenta Governu no Ministru Justisa iha eventu ne'e.

"Nia la reprezentante ha'u ida, tanba tuir orgánika oitavu governu nian ne'e, iha justisa nian ne'e Vise Ministru ho Sekretáriu Estadu laiha kompeténsia. Kompeténsia ne'e tenke delegasaun husi Ministru, ne'ebé nia la reprezenta Ministru ida, iha loron 03 de Janeiru ha'u tur iha ha'u-nia Gabinete to'o tuku 05 otl”, afirma nia.

Ministru Justisa nia parte la ko'alia kona-ba pelican paradise halo Investimentu maibé nia kestiona no la konkorda kona-ba kontratu de arendamentu ne'ebé mak kontra lei Orgánika 19/2004 arendamentu no afeitasaun ba sasán estadu nian. (*)

Rate this item
(1 Vote)
Last modified on Wednesday, 05 January 2022 16:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter