Login to your account

Username *
Password *
Remember Me

PN Sei Rezolve Proposta-Lei Rua Hetan Veta Husi Lú Olo

Parlametu Nasional Parlametu Nasional Foto Espesial

Tempotimor (Dili)- Komisaun A trata asuntu justisa no konstituisional iha Parlamentu Nasionál (PN) sei rezolve proposta Lei Estatutu Majistradu Judisiáriu nian, nomós proposta alterasaun kódigu penal kona-ba indultu nian ne'ebé hetan veta husi Prezidente Repúblika (PR) Francisco Guterres ‘Lú Olo’.

"Iha lei rua mak prezidente veta, e ami hein hela despaisu husi Prezidente PN atu ajenda ba bainhira mak ita haree", informa Prezidente Komisaun A PN, Joaquim dos Santos "Boraluli", iha PN, kuarta (05/01).

Husi lei rua ne'e Prezidente Repúblika deside veta politika, la'ós veta tanba artigu ruma mak inkonstituisionál.

Maibé atu rezolve ida ne'e, depende ba Prezidente Parlamentu Nasional (PN), Aniceto Longuinhos Guteres Lopes, atu halo despaisu oinsá mak kria ajenda iha tempu badak hodi rezolve.

"Ida seluk mós kona-ba majistradu judisiáriu ninia estatutu, ne'e mós Prezidente veta polítika, no la'ós por inkonstituisionalidade, depois ita haree, hein prezidente parlamentu nia despaisu atu bainhira mak ita rezolve haruka filafali ba prezidente repúblika, kona-ba lei sira no sira ne'ebé pendente ne'e", esplika nia.

Dadauk ne’e, komisaun A hein hela despaisu husi meza kona-ba anti projetu-lei organizasaun investigasaun kriminál, atu rezolve problema funsionamentu no meritu entre Polisia Siéntifiku Investigasaun Kriminal (PSIK) ho Servisu Investigasaun Kriminál (SIK) atubele aprezenta ba meza PN.

"Ida ne'e ita lahatene bainhira mak Prezidente Parlamentu baixa ba komisaun sira atu diskute iha antesidensia", hatete nia.

Aleinde ida seluk mak anti projetu kona-ba rádiu disfuzaun, dadauk komisaun prepara atu hatama ba meza parlamentu, maibé hein de'it bainhira mak prezidente PN hasai despaisu.

"Rádiu disfuzaun, ita hanoin atu rezolve problema tékniku balun iha ne'eba, liliu liga ho kompetensia balun autoridade nian, liga mós ho kompeténsia rádiu televizaun Estadu ne'e nia autoridade, purtantu ita hein prezidente baixa mak ita ajenda ba diskusaun", esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter