Login to your account

Username *
Password *
Remember Me

MAPkomS Akompaña KAK Lansa Relatóriu Estudu no Análiza Rísku Atividade iha RTTL

Ministru Assuntu Parlamentár Komunikasaun Sosiál (MAPKomS), Francisco Jerónimo akompaña Komisáriu Komisaun Anti Korrupsaun (KAK), Sergio Hornai lansa Relatóriu Estudu no Análize Rísku Implementasaun Atividade iha Rádiu no Televizaun Timor-Leste, Empreza Públika (RTTL, ep). Ministru Assuntu Parlamentár Komunikasaun Sosiál (MAPKomS), Francisco Jerónimo akompaña Komisáriu Komisaun Anti Korrupsaun (KAK), Sergio Hornai lansa Relatóriu Estudu no Análize Rísku Implementasaun Atividade iha Rádiu no Televizaun Timor-Leste, Empreza Públika (RTTL, ep). Foto Suplay

Tempotimor (Díli)-Ministru Assuntu Parlamentár Komunikasaun Sosial (MAPKomS), Francisco Jerónimo akompaña Komisaun Anti Korrupsaun (KAK) lansa Relatóriu Estudu no Análize Rísku Implementasaun Atividade iha Rádiu no Televizaun Timor-Leste, Empreza Públika (RTTL, ep).

Iha lansamentu ne'e, Komisáriu Komisaun Anti Korupsaun (KAK), Sergio Hornai hatete, husi estudu ne’e atu hametin integridade administrasaun ho efikas, efisiénte, sees-an husi prátika má-jesataun iha utilizasaun rekursu no kapitál sosiál politika públiku estadu nian iha instituisaun públiku. 

"Iha boa prátika ne'ebé ita presiza halo melloramentu, ne'ebé ita-nia Rádiu Televizaun Timor-Leste nian, tantu iha nível implementasaun ba lei sira, nomós prosedimentu sira ne'ebé mak ita haree, katak sei iha hela overletting ka sobre pozisaun, ho sei iha hela buat balun ne'ebé mak kompletu, presiza nafatin halo melloramentu, ka aperfeisoamentu atu nune'e ita bele to'o iha momentu ida sistema ne'ebé ita hakarak”, dehan Komisáriu Sérgio Hornai ba Jornalista sira iha salaun KAK, Faról, kuarta (15/12).

Iha relatóriu ne’e KAK rekomenda pontu importante 11 iha ne’ebé estudu ne’e KAK deskobre no revela aktu iregularidade balun akontese sai poténsia boot atu bele lori ajénte sira hakna’ar-an iha RTTL,ep ba krime korrupsaun tanba fó prejuizu ba Estadu.

Hatan ba rekomedasaun ne'e Ministru Asuntu Parlamentar no Komunikasaun Sosiál (MAPKomS), Fransisco Jerónimo, nia parte prontu simu rekomedasaun sira ne'e hodi hadi’a iha futuru tanba sai ona preokupasaun Ministériu nian.

"KAK fó rekomedasaun lubuk ida atu hadi’a ha'u hanoin, e ami simu e ha'u hatetenona ba Komisáriu KAK no entidade sira ha'u dehan ami simu rekomedasaun sira ne'e, e ami koko atu implementa iha RTTL”, afirma Francisco.

Iha rekomedasaun sira hamutuk 11 ne'ebé hothotu importante, no esforsu sei hadi’a sistema RTTL iha futuru mai.

"Iha nia rekomedasaun sira ne'e iha ninia konsekuénsia, tanba ne'e mak presiza hadi'a e tenke hadi’a duni atu sai empreza públika ne'ebé mak di'ak e tuir padraun internasionál no prioridade hothotu tenke iha tanba, tenke iha fiskál únika, iha reseita tenke loloos, administrasaun tenke la'o, buat barak, no regulamenntu tenke iha tanba ne'e sai ona preokupasaun ministériu nian”, hatete nia.

Durante KAK halao estudu no peskiza deskobre prátika violasaun, kontra bandu baze legál sira hanesan viola regulamentu no padraun sira hatuur iha baze legál RTTL, ep nian mekanizmu kontrolu ladauk di’ak ba jestaun patrimóniu sira no seidauk iha estabelesimentu sistema jestaun no kontrolu ba reseita.

Tanba liuhusi Diresaun Prevensaun no Sensibilizasaun hahú lansa estudu, inspeksaun no monitorizasaun ba instituisaun mídia estatal ne’e iha fulan-marsu to’o fulan-agostu tinan 2018. 

Baze legál ne’ebé permite KAKhala’o estudu no halo avaliasaun ba instituisaun RTTL, ep ne’e estipula iha Lei Nú 8/2009 15 de Julhu - kriasaun KAK ne’ebé estipula iha artigu 4, Komisaun nia misaun mak hala’o asaun prevensaun no investigasaun kriminál ba krime sira korrupsaun. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter