"Jornalista sira-nian prontu kona-ba frontline nian, taun ne'e ha'u promulga tiha ona iha tempu kleur, importante agora Governu implementa de'it", dehan PR Lú Olo hafoin presta omenajén ba Erói sira iha Ossuáriu Likisá, kinta (16/12).
Dekretu tuan kona-ba subsídiu jornalista nian Governu haruka ba PR, maibé prezidente veta tiha, ikus fali Governu halo alterasaun lei foun haruka fali no Prezidente Repúblika promulga tiha ona.
Antes ne'e, Konsellu Ministru aprova ona dekretu lei ba jornalista sira iha loron kinta (11/11), ne'ebé aprezenta ona husi Ministru Asuntu Parlamentar no Komunikasaun Sosial (MAPKomS), Francisco Martins Jerónimo.
Nune'e Subsídiu ne'ebé Governu atribui ba jornalista sira kada loron US$5 no períodu kobertura sei sura husi fulan-abril to'o dezembru 2021. (*)