Pesoal Sekretáriu Justisa Na'in 7 Simu Posse  

PJR, José Ximenes hasai foto hamutuk ho Sekretáriu Judisiál nain 7 ne'ebé foin simu pose. PJR, José Ximenes hasai foto hamutuk ho Sekretáriu Judisiál nain 7 ne'ebé foin simu pose. www.tempotimor.com

Tempotimor (Díli) – Hodi apoiu servisu julgamentu iha munisípiu, Sesta (06/09/19), Prokuradór Jerál Repúblika (PJR), José da Costa Ximenes fó posse ba sekretáriu área judisiál nain 7.

"Ohin halo nomeasaun ba kargu sekretáriu sira, depois sira tuir formasaun iha fulan Fevereiru. Ohin sira na'in hitu simu posse, no sira nia deslokasaun ne'e iha loron 1 Setembru 2019 ba munisipiu Covalima, Baucau, Dili inklui Rejiaun Espesial Oe-Cusse. Sira na'in hitu Ministeriu Publiku nomeia hanesan sekretáriu superior," informa PJR Jose Ximenes ba jornalista iha salaun Ministériu Públiku, Sesta (06/09/19).

PJR fó parabens ba pesoál sekretáriu na'in hitu ne'ebé simu pose no korajem sira atu servisu ho justu, inklui apoiu ho di'ak ba juis sira iha munisípiu ne'ebé sira desloka ba.

Paulina de Araujo Correia, ne'ebé asume knaar hanesan Sekretária Konsellu Superiór, sente orgullu ho kargu ne'ebé Ministériu Públiku fó fiar.

Entretantu, pesoal sekretáriu sira ne'ebé simu pose ne'e promete sei hala'o servisu tuir lei no normas sira ne'ebé mak estabele no la involve mós interese privadu iha servisu judisiariu.

Sekretáriu na'in hitu ne'ebé hetan pose husi PJR mak hanesan; Paulina de Araujo Correia, Martinho Caet, Dominica Martins, Eliana Flora Pereira, Jose Carlos Antonio, Valente Salsinha no Recardina da Costa Ximenes.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com