Tempotimor (Dili)-Bazeia ba motorizada sira ne'ebé iha tinan tolu ka haat ba kotuk ne'ebé husi parte Polísia Nasionál Timor-Leste (PNTL) prende tanba dokumentu laiha ne'ebé sai ona Partimóniu Estadu (PE), maka iha ona diskusaun entre Prokuradoria Distritál Dili (PDD) no Partimóniu Estadu atu halo leilaun ba motorizada hirak ne'e.

Tempotimor (Dili)-Ezisténsia Ministériu Públiku (MP) nian durante tinan 20, iha problema barak ne'ebé MP hasoru iha tempu balun ba kotuk, liu-liu kona-ba lei no númeru majistradu sira, maibé ohin majistradu sira komesa aumenta no lei mós iha ona.

Tempotimor (Dili)-Prosesu ba kazu sira ne'ebé kontinua la'o iha Ministériu Públiku (MP) maka Prokuradór Jerál da Repúblika (PJR) dehan, lakohi pronunsia prosesu ba kazu sira to'o ona iha ne'ebé, tanba ema bele sente persegisaun ba aan rasik.

Tempotimor (Dili) - Hafoin liu semana balun Ministériu Públiku (MP) hamutuk ho instituisaun polisiál halo destruisaun ba objetu droga ho tonelada 160, agora daudaun sira prepara tan ona droga puru ho kilograma 3.253 hodi destrui tan.

Tempotimor (Dili) - Mosu kazu sona ema iha Munisípiu Baukau iha loron 12 Agostu no iha loron tuir mai kontinua konfrontu iha nunira postu-Administrativu Laga rezulta uma kuaze 12 hetan sunu.

Ho akontesimentu ne'e, Prokuradór Jerál Repúblika (PJR), José da Costa Ximenes informa, daudaun servisu hamutuk ho Polisia Nasional Timor-Leste (PNTL), identifika ona arguidu na'in 21 no fó opsaun rua, ida entrega aan rasik ka buka tuir hodi kaer.

"Agora dadauk Prokuradoria Distritál Baukau ninia xefe ho prokurador sira organiza hamutuk ho orgaun polisia kriminal PNTL Baukau no mos Polísia Investigasaun Kriminal Nasionál, organiza hela ba arguidu ne'ebé ami identifika pelumenus ema 21, sira ba rasik polísia ka ami mak buka tuir para kaer sira", dehan nia hafoin soru-mutu ho Prezidente Republika, Francisco Guteres Lú Olo, iha Palásiu Prezidensiál Bairru-Pité, Tersa (18/08).

Tuir nia, presiza trankilidade no seguransa ba ema hotu tenke kontribui, ida ne'e mak situasaun akontese pelumenus loron 1 to'o 18 Agostu ne'ebé mosu iha Baukau.

Nia hatutan, depois kazu sona ema iha Vila-Nova Baukau, arguidu halai mai Dili, nune'e PNTL kaer hodi aprezenta primeiru interogatoriu tribunal deside aprezentasaun periodika, maibé Ministériu Públiku haree prosesu ne'e no la simu tanba ne'e agora prepara hela prosesu rekursu.

Akontesimentu loton 13 Agostu iha Nunira-Laga ne'e envolve ho grupu arte-marsiál IKS ho PSHT hafoin akontesimentu iha loron 12 Agostu.

Alende akontese iha Baukau Vila no Laga, iha mos akontese mos iha postu-Administrativu Vemasse akontese omesidu no Munisípiu Manufahu ne'ebé kazu ho forma tentadu konjuga ho rama ambon.

Prokuradór hatutan, iha Same mós akontese kazu omesidu ho forma tentadu konjuga ho rama ambon, entaun tribunal Suai deside prizaun preventiva. (*)

Tempotimor (Dili) - Prokurador Jerál Republika servicu hamutuk ho Polísia Nasional Timor-leste (PNTL), Sekretariu Estadu Meiu Ambiente (SEA), no Ministériu Saúde (MS) deside sunu materiál droga ne'ebé prende hamutuk tonelada 160.

Tempotimor (Dili) - Ministériu Públiku informa planu mapamentu relasiona fatin ne'ebé poténsia mosu krime no buka dalan atu kombate ka minimiza.

 Tempotimor (Dili) - Prokuradór Jerál Repúblika informa ba Prezidente Repúblika kona-ba kazu ne'ebé termina ona iha fulan-Fevereiru 2020 nia-laran.

Tempotimor (Dili) – Prokuradór Jerál Repúblika (PJR), José da Costa Ximenes hatete, kazu desputa rai iha Kaitehu, Munisípiu Likisa ne'e iha Diresaun Nasionál Terras e Propriedades (DNTP). Tan ne'e, tuir PJR José Ximenes, Ministériu Justisa mak bele esplika kona-ba problema ne'e.

"Problema rai, hanesan problema ne'ebé importante. Tanba sai hanesan sentru konflitu iha Timor-Leste. Ita sei lembra 2006 no 2007, kuandu krizi akontese, funsionáriu no autoriedade lokál barak to'o rejistu hotu fahi luhan hotu para hetan osan," dehan PJR José da Costa Ximenes iha Palásiu Prezidensiál Bairro-Pite, Segunda (07/10/19).

Nia dehan, iha tempu agora ema balun hahú fa'an fali rai estadu ba estadu. "Agora, ema balun fa'an rai estadu ba estadu. Rai ne'e rai balun estadu ninian balun komunitáriu ninian no rai privadu. Ida ne'e problema DNTP nian. Ne'ebé ha'u hanoin estadu ne'e tenke afirma, se la afirma susar," José tenik.

Tuir nia, rai ne'ebé iha parte tasi ibun hanesan iha parte Bebonuk nian, ne'ebé estabelese Hotel Arbiru ne'e, ema halo uma arbiru. Inklui estrada sira. Maibé, tuir loloos metru atus ida husi tasi ibun ne'e partense ba rai estadu.

"Ita lalika ba dook ida. Rai ida Hotel Arbiru nian tesik ba tasi ibun ne'e, ema halo uma arbiru no estrada. Ita boot sira hatene, metru 100 husi tasi ne'e partense ba estadu. Maibé, saida mak akontese, bainhira ema ba halo uma iha ne'ebá laiha Obras Públiku inklui DNTP fó hatene katak rai ne'e estadu nian," dehan PJR.

Nia mós husu ba Ministru Justisa atu hatán ba problema ne'e, tanba problema ne'e kona-ba DNTP, Ministériu Justisa.

"Liuliu ema sira ne'ebé halo uma tuir mota ibun, hanesan iha Kaitehu, Likisa nian ne'e problema DNTP. Tan ne'e, husu ba señor Ministru Justisa para bele responde situasaun ida ne'e," PJR afirma.

Tempotimor (Dili) – Maski hetan absolve iha Tribunál Munisípiu Dili, kazu Vera Carvalho Martins agora iha ona rekursu no hein dezisaun husi Tribunál Rekursu.

"Kazu kona-ba Vera, ami análiza tiha desizaun husi tribunál nian ne'e, ami underline katak desizaun primeira instánsia ladún iha razaun. Ita boot sira (jornalista) hatene, vítima ne'e oho iha loron 3 jullu 2018, depois 12 Setembru mak foin hetan mate isin," dehan Prokuradór Jerál Repúblika (PJR), José da Costa Ximenes iha Palásiu Prezidensiál Bairru-Pite, Segunda (07/10/19).

Tuir PJR, vítima ne'e mate kleur ona, oinsá mak tribunál husu raan sira iha karta no halo teste DNA.

"Oinsa mak tribunal husu fali ninia vistidu ka raan sira ne'e iha kareta? Oinsá mak bele halo teste DNA? Iha provas indikasaun barak iha hela laran. Entaun, halo tiha nia rekursu ba kazu ida ne'e. Agora ita hein desizaun husi Tribunál Rekursu," tenik José Ximenes.

Alende ne'e, tribunál mós halo ona rekursu ba kazu kontentór sira ne'ebé hetan médida kuosaun husi Tribunál Munisípiu Dili iha loron 2 abril 2019.

"Ita mós halo rekursu ba kazu kontentór sia (9). Tanba tribunál mós absolve," dehan PJR ne'e.

Tuir José, kontentór hirak ne'e tama iha Timor-Leste husi Singapura, la ba Jakarta.

“Ita boot sira (jornalista) hatene, bainhira akompaña direta julgamentu aberta katak, ema ne'ebé importa mai Timor-Leste. Arguidu ne'ebé halai lakon ne'e ita selu Rp 150 juta," nia afirma.

Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter