Prokurador Jerál Republika (PJR), José da Costa Ximenes hateten, droga ne'ebé prende sei sunu tanba, iha ona desizaun finál katak la implika ba saúde públika.

"Ita sei halo distruisaun ba objetu krime tonelada 160 ka kontentor 9 ne'ebé hodibainhira rona nia advogadu dehan, diak liu haruka ba Indonézia no ami desidi tiha ona depois de hau nia adjuntu rasik mak organiza hamutuk ho orgaun polísia kriminál ho entidade sira liuliu Sekretáriu Estadu Meiu Ambiente ninian rona sira nia opiniun par metodu distruisaun ne'e halo saida mak diak liu", dehan nia, hafoin hasoru-malu ho Prezidente Republika, Francisco Guteres Lu-olo, iha Palásiu Prezidensiál Bairru-Pité, Tersa (18/09).

Nia hatutan, rona mós husi Polísia Sientifiku Investigasaun Kriminál (PSIK) sira iha tekniku balun hatene ida ne'e no rona mos husi parte Ministériu Saúde (MS) kona-ba ne'e mak konkluzaun ikus mai rua, ida mak destruisaun ho metodu hakoi no ida seluk mak sunu de'it no Hospital Nasional Guido Valadares (HNGV) iha kondisau ne'e no desizaun ikus foti mak metodu ida ne'ebé seguru la fo impaktu ba saúde publika no meiu ambiente mak sunu.

Tuir nia, prende materiál droga ne'e hanesan istoria dahuluk iha Ministériu Publiku (MP) tanba, konsege prende materias droga 160 toneladas ne'e, iha azea mos talves boot liu, no ba distruisaun ita presiza kuidadu, tanba ne'e mak depois de desizaun tranzitus advogadus ita pelumenus fulan rua no tolu foti to'o nivel desizaun ne'ebé ohin foti.

Alende droga 160 tonelada, sei halo mos distituisaun ba droga 3.253 kilograma ne'ebé prende iha Timor Plaza.

"Depois de 160 toneladas ne'e destrui uza metodu ne'ebé seguru liu mak tuir ita sei halo distruisaun ba 3.253 kilo grama ba arguidu ne'ebé kaer iha Timor Plaza dia 14 janeiru ba droga, hotu-hotu ita realiza iha feria judisiáriu ho ida ne'e ita bele halo jestaun diak liu, la implika ba servisu seluk Ministériu Publiku ninian",tenik Nia. (*)