"Ohin dader Primeiru Ministru konvoka hela reuniaun ida ne'ebé mak hetan partisipasaun husi ha'u rasik, vise Ministru Interior, Embaixadór Austrália mai Timor-Leste no ekipa husi Austrália nian husi progarama dezemvolvimemtu, polisía ho OMS (Organizasaun Mundiál Saúde), nomós ho ita-nia reprezentante nasaun unidas nian iha Timor no reprezentante Organizasaun Mundial Migrasaun iha Timor-Leste, atu tur hamtuk hodi fahe hanoin, atu iha asaun kontreta ne'ebé di'ak liu bele tau hamutuk esforsu parte estadu Timor-Leste nian ho parseiru sira iha kontestu luta hasoru trafíku umanu", dehan Ministru Prezidénsia Kosellu Ministru, Fidelis Manuel Leite Magalhães, iha Rezidénsia Farol, segunda (15/11).

Tanba trafíku umanu ne'e krime global, krime international ne'ebé mak tenke hetan atensaun ho esforsu boot liuhusi nasaun sira hotu iha mundu.

"Timor-Leste mós rekoñese katak, ida ne'e hanesan dezafíu boot ida mai ita-nia rai, tanba ne'e ameasa naun konvensional ne'ebé mak sai dezafíu ba pais barak. Ne'e mós iha ligasaun krime organizadu nomós atan (gravidaun moderna) nian", esplika Fidelis.

Nune'e diskusaun nia objetivu mak atu haree oinsá komponente ida-idak, departamentu ida-idak overnu nian, aumemta sira-nia esforsu hodi bele hetan rezultadu ne'ebé másimu.

Alende ida ne'e iha aproximasaun ida ho naran governante tomak bele halo esforsu ne'ebé di'ak liu iha luta kontra trafíku umanu.

"Ohin ne'e foku liuba kanal Ministériu interior nian, ita-nia Ministru mós hanesan Ministru interior ho nia vise ohin diskute kona-ba papel saida mak Ministériu interior bele halo ho medida saida, mak Ministériu interior bele hola enkolaborasaun ho Organizasaun nasaun unidas nian, ONU nomós ho ita-nia parseiru Australia atu bele responde ba dezafiu trafíku umanu ne'e", afirma nia.

Enkuantu husi parte Ministériu Interior enkolaborasaun ho parseiru Internasionál balun prepara ona nota konsetu ida ba atuasaun emediata durante fulan 5 nia laran, iha kontestu ámbitu kompeténsia Ministériu interior nian.

"Espera katak, hafoin fulan 5 ne'e remata ita bele iha senerjia katak, kadalak kiik sira, esforsu kiik sira sei sulin hamutuk sei sai mota boot ida kulmina iha esforsu integradu Hovernu nian, ne'ebé envolve Ministériu hotu ho papel Ministériu justisa nian importante iha fufuru", dehan nia. (*)