"JSMP nia rekomendasaun ida ne'ebé mak durante ne'e rekomenda e hasoru direitamente ona maibé seidauk konsidera liliu kona-ba asesibilidade iha tribunal rekursu julgamentu”, dehan Ana ba www.tempotimor.com iha nia kna’ar fatin Kolmera-Dili, sesta (30/04).

Tuir lei kuandu halo de’it deliberasaun la presiza audénsia maibé JSMP nia sujestaun pelumenus iha desizaun bazeia mós ba lei loke ba públiku, tanba ne'e konsidera ema ne'ebé konflitu ho lei ne'e atu hetan esplikasaun hodi komprende.

"Ema sente sala, maibé kuandu lahetan esplikasaun nia sente los, nia lasimu tanba lahetan esplikasaun”, dehan Ana

Maibé mós husu ba Prezidente Tribunal Rekursu (PTR), Deolindo dos Santos, instala Tribunál iha Munisípiu sira atu hakbesik justisa ba povu no minimiza gastu osan husi sasin ne'ebé tuir lei estadu tenke reimbolsa fali osan.

JSMP mós husu atu Tribunal móvel kontinua halo tanba bele eduka ema hadok-an husi krime.

Entertantu, Prezidente Tribunal Rekursu, Deolindo dos Santos kontinua mandatu hafoin Prezidenti Repúblika, Francisco Guterres ‘Lú Olo’ simu pose iha loron 29 fulan-abril ba mandadu períodu tinan haat.(*)