Xanana husu Sai Arguidu Hasoru Keixa Alkatiri, Quintas : Kompeténsia iha MP

Jurista Timoroan, Sergio Quintas ko'alia ba média sira konaba pedidu husi líder nasional Kay Rala Xanana Gusmao nian ne'ebé ezije MP atu hatu;ur nia sai nu'udar arguidu hasoru keixa Sekjen Marí Bin Amude Alkatiri nian, iha nia rezidensia aldeia Săo José Ai-meti Laran, kuarta (31/03/2021). Jurista Timoroan, Sergio Quintas ko'alia ba média sira konaba pedidu husi líder nasional Kay Rala Xanana Gusmao nian ne'ebé ezije MP atu hatu;ur nia sai nu'udar arguidu hasoru keixa Sekjen Marí Bin Amude Alkatiri nian, iha nia rezidensia aldeia Săo José Ai-meti Laran, kuarta (31/03/2021). Foto Tempo Timor

Tempotimor (Dili)- Maske iha loron 29 fulan-Marsu tinan 2021 Prezidente partidu Congresso Nacional da Reconstruçăo Timorense (CNRT), Kay Rala Xanana lori ona evidensia ho faktu sira ba hato'o ona iha Ministériu Públiku (MP) hodi hasoru karta keixa ne'ebé molok ne'e hato'o husi Sekretáriu Jerál Fretilin, Mari Alkatiri ne'ebe hatama hasoru CPN-CNRT na’in 21, tanba akuza nia simu subornu husi empreza Conoco Philips.

Iha evidénsia sira ne'ebé Xanana hato'o ona ba Ministériu Públiku (MP), nia mós husu atu substitui nia sai arguidu hodi hasoru Mari Alkatiri iha tribunal.

Ho pedidu husi Xanana Gusmăo nian, Jurista timoroan, Sergio Quintas esplika, bainhira ema ruma hato'o notísia ka kríme ba iha ministéiu públiku, ministériu públiku maka entidade enkaregada hodi diríje halo inkéritu.

Prosesu finalidade inkéritu ne'e haree tuir artigu 225 iha lei penál TL nian hodi hatene sé mak responsável ba kríme, faktu ne'e kríme ka lae.

Bainhira MP deskobre tiha ona katak iha responsável ba kríme, no faktu ne'e konstitui ona kríme, hafoin mak MP elabora nia akuzasaun, maibé sé MP haree katak faktu sira ne'e la konstitui kríme, no la deskobre kona-ba responsável kríme nian, MP sei arkiva.

"Entaun, ha'u haree prosesu ne'ebé mak agora la'o dadauk iha Prokuradória JerálRrepúblika, ne'e MP simu tiha ona notísia ba kríme. Ne'ebé bola ne'e, agora iha MP nia liman, tanba nia mak iha lejitimidade hodi promove asaun penal no halo inkéritu. Séra ke ema ne'ebé mak testamuña bele asume fali nia kualidade hanesan arguidu, ne'e kompeténsia MP nian”, hatete jurista timoroan ne'e iha nia rezidénsia área Elembloi, Aldeia Săo José Ai-meti Laran, Suku Komoro, Postu administrativu Dom Aleixu, kuarta (31/03).

Tanba MP mak iha kompeténsia hodi bele halo konkluzaun katak testamuña ida bele sai arguidu ka lae, tanba MP mak xefia iha faze inkéritu, no labele iha testamuña ida mak ba fali hodi aprezenta nia-an ba MP atu nia sai fali arguidu.

"Ne'ebé kualker sidadaun labele ba iha ne'ebá hodi aprezenta fali dehan katak hakarak sai fali arguidu ka, sai fali testamuña, ne'e kabe ona ba kompeténsia MP nian ne'ebé prevé iha artigu 48 no 57. Ohin ha'u dehan ona katak MP mak halo inkéritu no nia mak promove asaun pena”, haktenik nia.

Hatán ba pergunta kona-ba tuir lei, bele ka lae, testamuña sai arguidu, nia dehan, iha posibilidade tanba bazeia ba artigu 224, ne'ebé dehan katak, inkéritu hahú, bainhira entidade enkaregada atu halo inkéritu simu notísia kona-ba kríme.

"Entaun, ministériu públiku mak bele haree katak sé testamña ida ne'e iha indísiu forte katak nia hahalok ne'e konstitui kríme, nia mak bele muda ema ida nia estatutu bele sai fali arguidu, ne'e bele, ne'e kompeténsia MP nian, tanba ita hatene katak agora ne'e, bola ne'e iha MP nia liman, nia mak nain ba asaun penál, tuir kódigu prosesu penál, ita hein, maizumenus nia konkluzaun ne'e saida”, esplika nia.(*)

Rate this item
(1 Vote)
Last modified on Wednesday, 31 March 2021 23:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter