"Asuntu ida ne'e ha'u la aborda ho sua eselénsia PR, tanba petisaun ne'e kontra PR Lú-Olo, Entaun kompeténsia tribunal nian ne'ebé bele ko'alia no deside bainhira iha prosesu nia laran, ne'ebé ha'u la ko'alia neim aborda asuntu ne'e ho PR," dehan PTR Deolindo dos Santos iha Palásiu Prezidensiál bairu-pite Dili, hafoin remata enkontru semanál ho PR Lú-Olo, Kinta (14/05)
Prezidente TR dehan, desizaun ne'ebé sai iha loron 11 maiu la'ós haree ba méritu maibe haree ba prosesual.
"Parsiál ne'ebé rezulta iha prosesu ida ne'e, nu-entantu desizaun ne'ebé sai iha loron 11 maiu, ami la haree ba méritu maibé iha kestaun prosesual de'it ne'ebé ami deside iha ne'ebá, mais nu-entantu kestaun méritu ne'ebé iha ne'ebá ita boot sira bele ba lee fali, ha'u labele esplika tan, tanba seidauk to'o méritu," dehan PTR
Kona-ba partidu CNRT atu aprezenta hikas petisaun kontra PR Lú-Olo, PTR dehan kualker tempu de'it.
"Regra prosesual permite ida ne'e, ne'ebé bainhira de'it, prazu hira de'it regras prosesual estabelese, ne'ebé ita ko'alia regra prosesual labele asina, mais ida nee regra prosesual mak estabelese katak sira bele kumpri prosesual estabelese," nia dehan
