Prezidente Tribunal Rekursu Deolindo dos Santos hatete, iha tinan 2018 kazu pendente iha TR hamutuk 212, maibé to’o iha tinan 2020 hela de’it kazu pendente 14.
VIDEO PUBLISIDADE APELU HUSI PM TAUR APLAUS BA FRONT LINE
"Tribunal Rekursu (TR) servisu funsiona nafatin, mezmu iha estadu emerjénsia, hodi nune'e mak ami iha rezultadu dehan katak pozitivu tanba prosesu ne'ebé pendente iha tinan 2018 ita iha 212 prosesu maibé hela 14 de'it prosesu pendente," dehan Deolindo iha Palásiu Prezidensiál Bairu-pite, Kinta (14/05).
Husi kazu pendente 14, nia dehan, kazu sivil hamutuk kazu tolu (3) no kazu krime hamutuk kazu 11.
PUBLISIDADE
"Kazu sira ne'ebé remata ona ne'e la'ós kazu husi 212 prosesu pendente ne'e de'it, maibé kazu sira ne'ebé tama iha 2019 no 2020 ne'e desizaun hotu ona, tanba ne'e mak hela 14 prosesu pendente ne'e," nia esplika.
Entretantu, Prezidente Repúblika Francisco Guterres Lu Olo kontinua fó fiar ba TR hodi hala'o serbisu nafatin.
"Ein prinsipiu sua eselénsia nafatin fó apoiu ba Tribunal Rekursu par kontinua serbisu par efetivu liu tán iha estadu emerjénsia," dehan Deolindo.
PUBLISIDADE