Login to your account

Username *
Password *
Remember Me

KAK Komemora Loron Mundiál Anti Korupsaun

Konvidadu sira partisipa hela seminariu nasionál iha salaun Ministériu Finansa, ai-tarak laran, sexta (09/12). Konvidadu sira partisipa hela seminariu nasionál iha salaun Ministériu Finansa, ai-tarak laran, sexta (09/12). Foto Tempo Timor

Tempotimor (Dili)-Komisaun Anti Korupsaun (KAK) iha loron sesta (09/12) realiza semináriu konferensia nasionál hodi komemora loron mundiál anti korupsaun iha Timor-Leste.

"Tinan-tinan sai hanesan toman ne'ebé Komisaun Anti Korupsaun nomos organizasaun noun govermental sira ne'ebé ejiste iha rai ida-ne'e, sempre selebra loron komemorasaun dia mundial anti korupsaun", dehan Komisáriu KAK, Sergio Hornai iha salaun ministériu finansa, aitarak-laran, sexta (09/12).

Semináriu nasionál ne'e, partisipa husi diretor jeral, diretor nasional sira, hamutuk ho orador prinsipál na'in-hat, inklui ekipa ne'ebé konstituidu, atu fahe ideia hamutuk, kona-ba timor-leste ninia risku korupsaun.

Iha aniversariu ba dala-sanulu ne'ebe realiza iha tinan ne'e, halo kuensidensial ho loron proklamasaun bilaterál ne'ebé liu dadauk bá nomós ho loron invazaun ne'ebé foin liu iha loron sira liubá kotuk, hodi lembra fali istoria sira no lori hanoin boot ba ema hothotu.

Tanba, iha mundu ne'e, parte estadu sira ne'ebé ratifika ona konvensaun ba kombate korupsaun ninian, iha obrigasaun atu reuni sira-nia esforsu sira, atu hakbi'it sira-nia estadu hodi hametin estadu diretu demokratiku, hametin governasaun ne'ebé di'ak, tau polítika públika estadu, hodi fo kbi'it ba instituisaun estadu nian atu halo prestasaun servisu ida sustentavel iha perminensia, nune'e hatan ba iha preokupasaun povu liliu oinsá bele satisfas iha polítika públika estadu ninian hodi garante dezenvolvimentu sustentavél ba futuru.

Tanba ne'e, Komisaun Anti Korupsaun hakarak uza oportunidade hodi hato'o vizaun balun husi koferénsia ida-ne'e atu halo komprimentu ba instrumentu internasionál sira ne'ebé Timor-Leste ratifika ona sai hanesan rejime juridiku nasional iha pais ida-ne'e.

"Konserteza iha ne'ebá fo mos artikulasaun lubuk oan ida, para ita bele halo adoptasoens ba iha ne'ebá, atu hatudu ita-nia ejisténsia hanesan estadu independente, ne'ebé ita mos iha obrigasaun atu kumpre dever internasionál balun hodi halo artikulasaun iha ita-nia pais laran e liliu oinsá mak ita bele promove no prevene liliu partisipasaun husi sidadaun sira-nian hodi bele halo eradikasaun ba iha politika prevene nomos halo medida represivu sira ba iha kombate kriminalidade korupsaun", nia afirma.

Nune’e, KAK mos halo ona esforsu makaas liuhusi ajensia internasional sira bileteral no multiraterál, hodi halo konferensia internasional iha rai laran e jatamente ida mak destaka kona-ba oinsa bele hariku kordenamentu juridiku sira liliu iha rekooperasaun ativa.

Tanba, iha konvensaun ne'e rasik, artigu 1 to'o iha artigu 71, iha pontu lubuk ida oinsa estadu TL buka konsulta públiku, hodi hametin nia politika alokasaun sira ba iha kombate kriminlidade korupsaun, hametin boa governasaun, transparansia no akontabilidade iha ninia proporsaun ba ezekusaun governasaun di'ak.

Maibé, iha parte ida fo mós enfaze makas oinsa mak KAK bele halo nafatin dezaminasaun no informasaun sira ba iha  komunidade, atu ema hotu sente pertense ba iha eradikasaun korupsaun ninian, estadu RDTL presiza konsolida ninia esforsu sira ba iha estratejia ida intergradu hodi bele servisu hamutuk.

Kona-ba esforsu sira-ne'e, la'os ba de'it autoridade ne'ebé halo implementasaun ka halo aplikasaun ba lei, maibé presiza mos parte interveniente tomak iha estadu ida-ne'e atu presiza mos kontribui iha prosesu ne'e.

Tanba ne'e, importansia husi seminariu iha loron ida-ne'e, maka oinsa atu loke ka fo vizaun ida ba KAK katak, servisu hamutuk ho entidade seitor privadu nomos seitor privadu intokavel, atu bele hamutuk reuni esforsu sira hodi hametin politika sira ba prevene no kombate korupsaun ne'ebé iha vertente rua iha ninia prevensaun nomos iha asaun represivu nian.

"Sidadaun sira hotu liuhusi esforsu governu nian atu promove governasaun ne'ebé di'ak, hodi fo transparansia hodi nakloke ba iha servisu públiku ninian, hodi bele garnte sustentabilidade estadu nian", nia afirma.

Purtantu orador sira ne'ebé partisipa iha seminariu nasionál ne'e, mai husi Eminésia Kardeal, Bispu Arkedioseze Metropolitanu Dioseze Dili, Don Virgilio do Carmo da Silva, Prezidente Parlamentu Nasionál, Aniceto Longuinhos Guterres Lopes, Reprezentante Primeiru Ministru, Fidelis Leite Magalhães, Reprezentante Prokurador Jeral Republika (PJR) no hetan partisipa husi membru organizasaun noun govermantal sira, diretor jeral, diretor nasional inklui konvidadu internasional balun. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter