Designasaun ba Roberto da Costa Pacheco, atu ezerse funsaun nu’udár vogál efetivu Governu nian iha Konsellu Superiór Majistratura Judisiál ne'e ho mandatu ba tinan haat.
“Ho Rezolusaun Governu ida-ne’e prosede mós dezignasaun ba Digna Amélia Tilman nu’udár suplente iha kargu vogál iha Konsellu Superiór Majistratura Judisiál”, dehan Ministru Prezidensia Konsellu Ministru (KM), Fidelis Manuel Leite Magalhães, iha Palásiu Governu, kuarta (29/06).
Tanba ne’e kompete ba Konsellu atu jere no dixiplina atividade majistradu judisiál sira nomós atu nomeia, koloka, trasfere no promove juíz sira iha Timor-Leste.
Konsellu Superiór Majistratura ne’e prezide husi Juíz Prezidente Supremu Tribunál Justisa no kompostu husi vogál na’in-haat, ne’ebé ida husi na’in haat ne’e designa husi Governu. (*)